იუსტიციის მინისტრმა რატი ბრეგაძემ კომენტარი გააკეთა მსჯავრდებულ მიხეილ სააკაშვილის ჯანმრთელობის მდგომარეობის შესახებ. მინისტრის თქმით, თუკი ვინმე არის დაინტერესებული მიხეილ სააკაშვილის ჯანმრთელობის მდგომარეობით, ეს არის, პირველ რიგში, იუსტიციის სამინისტრო და სახელმწიფო.

„მინდა, დავამშვიდო ყველა. როგორც იუსტიციის სამინისტრო, ისე სახელმწიფო გააკეთებს ყველაფერს, რომ სააკაშვილის ჯანმრთელობა იყოს კარგ მდგომარეობაში, ისევე, როგორც ამას ვაკეთებთ ნებისმიერი სხვა პატიმრის შემთხვევაში; პენიტენციური სამსახური ზრუნავს სრულად მის ჯანმრთელობაზე. აქ არიან სხვადასხვა პროფილის ექიმები, უტარებენ გამოკვლევებს, სინჯავენ. მას ჩაუტარდა ლაბორატორიული ანალიზები. თუ დადგა საჭიროება, ვიმოქმედებთ შესაბამისად. მას ჰყავს სახელმწიფოს მიერ ლიცენზირებული ექიმები და თუ ვინმეს ინტერესია, სააკაშვილი იყოს კარგად, ვართ ჩვენ", – განაცხადა მინისტრმა.

რატი ბრეგაძის თქმით, ის ყოველდღიურად ინტერესდება პატიმარ სააკაშვილის მდგომარეობით და ყოველდღიური კომუნიკაცია აქვს სამედიცინო პერსონალთან:

„ვინტერესდები მისი ჯანმრთელობით და მაქვს კომუნიკაცია ექიმებთან, არავის შეშფოთება არ გამოუთქვამს... რაც დასჭირდება სააკაშვილს, მიიღებს ყველაფერს, ისევე, როგორც სხვა პატიმარი".

ავტორი: NS (სტატია დაფინანსებულია),

სოციალური ქსელები

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა

რუსეთმა გუშინ ღამით უკრაინას 39 ბალისტიკური რაკეტა დაარტყა- 39 ადამიანი დაიჭრა, აქედან 2 ბავშვი

მოსკოვმა ღამით დრონებით თითქმის 500 თავდასხმა დააფიქსირა, ოთხმა აეროპორტმა კი ფუნქციონირება შეაჩერა

უკრაინულმა დრონებმა სარატოვის ოლქში, თავდასხმა განახორციელეს, სადაც Sberbank-ის მონაცემთა ცენტრი მდებარეობს