გამოცემა "უკრაინასკაია პრავდას" ინფორმაციით, რუსმა ოკუპანტებმა აზოვსტალის მუდმივი დაბომბვის შემდეგ პოლკ აზოვის" პოზიციები გაარღვიეს.  ახლა უკრაინელ მებრძოლებთან არანაირი კავშირი არ არის. ქარხნის ტერიტორიაზე ბრძოლები მიმდინარეობს.

უკრაინის რადას უმრავლესობის ლიდერმა დავით არახამიამ დაადასტურა, რომ საოკუპაციო ჯარები აზოვსტალში შეიჭრნენ

"მეორე დღეა ქარხნის შტურმის მცდელობები გრძელდება. რუსული ჯარები უკვე იმყოფებიან აზოვსტალის ტერიტორიაზე", - განაცხადა არახამიამ აზოვის პოლკის მეთაურის სიტყვებზე დაყრდნობით.

გენერალურ შტაბში აცხადებენ, რომ მარიუპოლში მყოფმა რუსმა სამხედროებმა ავიაცია გამოიყენეს, რათა განაახლონ შეტევა ქარხნის ტერიტორიაზე.

"მარიუპოლის აზოვსტალის რაიონში ჩვენი დანაყოფების ბლოკადა და განადგურების მცდელობები გრძელდება. ზოგიერთ რაიონში, ავიაციის მხარდაჭერით, მტერმა განაახლა შეტევა ქარხნის ტერიტორიის კონტროლის მიზნით", - ნათქვამია შეტყობინებაში.

შეგახსენებთ, რომ რუსი ოკუპანტები უკვე მეორე დღეა შტურმს აწყობენ აზოვსტალის ქარხანაში, სადაც რჩებიან უკრაინელი დამცველები და მშვიდობიანი მოქალაქეები, რომელთა ევაკუაცია ჯერ არ მომხდარა. თავდასხმა დაიწყო 3 მაისს, ქარხნიდან მშვიდობიანი მოსახლეობის ევაკუაციის მეორე ეტაპის შემდეგ. შაბათს, 30 აპრილს, მოლაპარაკებების შედეგად მიღწეული იქნა ცეცხლის შეწყვეტა. იმავე დღეს საღამოს აზოვსტალის ტერიტორია 20-მა ადამიანმა დატოვა. კიდევ ორი ​​დღის შემდეგ 100-ზე მეტი მშვიდობიანი მოქალაქის ევაკუაცია განხორციელდა.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა