მსოფლიოს მეტი უნდა გაეკეთებინა ომის თავიდან ასაცილებლად, მეორედ მსგავს შეცდომას არ დავუშვებთ, - ამის შესხებ დიდი ბრიტანეთის საგარეო საქმეთა მინისტრმა, ლიზ თრასმა გამართულ პრესკონფერენციაზე განაცხადა. 

როგორც თრასმა აღნიშნა, საჭიროა დარწმუნდნენ, რომ უკრაინის გარდა, საქართველოსა და მოლდოვასაც ექნებათ საკმარისი შესაძლებლობები და გამძლეობა, რათა დაიცვან საკუთარი სუვერენიტეტი და შეინარჩუნონ თავისუფლება. 

"ჩვენ  უკრაინის მაგალითიდან უნდა ვისწავლოთ. დიდმა ბრიტანეთმა უკრაინას შეიარაღება ომის დაწყებამდე გაუგზავნა, მაგრამ მსოფლიოს მეტი უნდა გაეკეთებინა ომის თავიდან ასაცილებლად. ჩვენ მეორედ მსგავს შეცდომას არ დავუშვებთ. ზოგი თვლის, რომ მძიმე იარაღი არ უნდა მივაწოდოთ, რადგან ამან შეიძლება უფრო დიდი პროვოკაცია გამოიწვიოს, მაგრამ ახლა სიმამაცის დროა და არა სიფრთხილის.  

ჩვენ უნდა დავრწმუნდეთ, რომ უკრაინის გვერდით, საქართველოსა და მოლდოვასაც ექნებათ საკმარისი შესაძლებლობები და გამძლეობა, რათა დაიცვან საკუთარი სუვერენიტეტი და შეინარჩუნონ თავისუფლება". - განაცხადა ლიზ თრასმა. 

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.