ილონ მასკმა Twitter 44 მილიარდ დოლარად იყიდა - კომპანიის დირექტორთა საბჭომ მიიღო მისი შეთავაზება.

ილონ მასკმა, რომელმაც ორი კვირის წინ Twitter-ის მფლობელებს შესთავაზა კომპანიის გაყიდვა, თქვა, რომ ამ სოციალურ ქსელს აქვს უზარმაზარი გამოუყენებელი პოტენციალი, რომლის რეალიზებაც მას შეუძლია.

აპრილში მასკმა Twitter-ის 9,2% აქცია 2,89 მილიარდ დოლარად იყიდა და გახდა კომპანიის უმსხვილესი აქციონერი.

მიმდინარე გარიგების შესახებ დისკუსიები, რომელიც გაურკვეველი ჩანდა ერთი კვირის წინ, დაჩქარდა გასული კვირის ბოლოს მას შემდეგ, რაც მასკმა კომპანიის აქციონერები თავის მხარეს მოუწოდა და მათ გარიგების ფინანსური დეტალები გაუზიარა.

აქციონერების ზეწოლის ქვეშ Twitter-მა დაიწყო მოლაპარაკება მასკთან, რომელმაც შესთავაზა $54,20 აქციაზე. როდესაც ახალი ამბები გავრცელდა, Twitter-ის აქციების ფასი ბირჟაზე 6%-ით გაიზარდა.

მიმდინარე გარიგების ფასი 40%-ით მაღალია, ვიდრე მასკის მიერ 9%-იანი წილის გამოცხადების წინა დღეს ვაჭრობის დახურვის დროს.

თუმცა, ეს ფასი 70 დოლარზე დაბალია, ფასი, რომლითაც Twitter ვაჭრობდა გასულ წელს.

ახლა Twitter-ის მენეჯმენტი აპირებს სთხოვოს აქციონერებს ხმა მისცენ გარიგების დამტკიცებას.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო