დაახლოებით 1000 მშვიდობიანი მოქალაქე აფარებს თავს აზოვსტალის ქარხანას - ამის შესახებ, CNN-ს მარიუპოლის საპატრულო პოლიციის უფროსმა მიხაილ ვერშინინმა განუცხადა.

„მათ [მოქალაქეებმა] იქ დააარსეს თავიანთი ცხოვრება, უზრუნველყოფდნენ თავს საკვებითა და წყლით. სამხედროები ხანდახან ეხმარებოდნენ. ამ ადამიანებს არ სურდათ და არ სურთ გარეთ გასვლა. მათ ესმოდათ, რომ აქ ცოცხლების დარჩენის მეტი შანსი აქვთ. მაგრამ ეს იყო იმ მომენტამდე, როდესაც რუსეთის ფედერაციამ დაიწყო საჰაერო თავდასხმების მუქარა." - ამბობს პოლიციის უფროსი.

აზოვის პოლკის მეთაური ვიდეომიმართვას ავრცელებს და მსოფლიო ლიდერებსა და ცივილიზებულ სამყაროს მარიუპოლიდან "მწვანე დერეფნის" მოწყობასა და მოსახლეობის ევაკუაციისკენ მოუწოდებს.

"მე ვარ აზოვის პოლკის მეთაური დენის პროკოპენკო და მსოფლიო ლიდერებს მივმართავ. მარიუპოლში, ახლა, "აზოვსტალის" ფოლადის ქარხანაში, ასობით მშვიდობიანი მოქალაქე აფარებს თავს. მათ შორისაა ყველა ასაკის ადამიანი, ქალები, ბავშვები, მარიუპოლის დამცველების ოჯახები... ისინი "რუსული სამყაროსგან" დასაცავად თავს სარდაფებსა და ბუნკერებს აფარებენ. 

ერთადერთი თავშესაფარი მათ უკრაინელი ჯარისკაცების გვერდით იპოვეს, რომლებიც ქალაქს რუსი დამპყრობლებისგან დღემდე იცავენ. რუსმა საოკუპაციო ძალებმა ეს იციან, იციან მშვიდობიანი მოსახლეობის შესახებ და ცეცხლსაც ქარხანაზე საკუთარი ნებით ხსნიან. " - აცხადებს დენის პროკოპენკო 

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა