|
2022-04-18 18:07:54, 1475 ნახვა
ეკონომიკა
ლაშა ხუციშვილი საერთაშორისო სავალუტო ფონდისა და მსოფლიო ბანკის წლიურ შეხვედრებში მიიღებს მონაწილეობას
დღეს დაიწყო საქართველოს ფინანსთა მინისტრის, ლაშა ხუციშვილის ვიზიტი ამერიკის შეერთებულ შტატებში, სადაც იგი მონაწილეობას იღებს საერთაშორისო სავალუტო ფონდისა და მსოფლიო ბანკის ჯგუფის ყოველწლიურ საგაზაფხულო შეხვედრებში (WB/IMF Spring Meetings). ამის შესახებ ინფორმაციას ფინანსთა სამინისტრო ავრცელებს. უწყების ცნობით, ვიზიტის ფარგლებში, დაგეგმილია მაღალი დონის შეხვედრები საერთაშორისო საფინანსო ინსტიტუტებისა და სხვადასხვა დონორი ორგანიზაციის წარმომადგენლებთან. აღნიშნული ვიზიტი მნიშვნელოვანია საერთაშორისო ორგანიზაციებთან ურთიერთობის გასაღრმავებლად და ინვესტორების დაინტერესების გასაზრდელად. დაგეგმილია შეხვედრები მსოფლიო ბანკის ვიცე-პრეზიდენტთან, ანა ბიერდესთან, საერთაშორისო სავალუტო ფონდის მმართველი დირექტორის მოადგილესთან, ბო ლისთან, მსოფლიო ბანკის აღმასრულებელ დირექტორთან, კოენ დევიდსთან და მმართველ დირექტორთან, აქსელ ვან ტროტსენბურგთან, აზიის განვითარების ბანკის პრეზიდენტთან, მასაცუგუ ასაკავასთან, ევროპის რეკონსტრუქციისა და განვითარების ბანკის პრეზიდენტთან, ოდილ რენო-ბასოსთან, ასევე, ევროპის საინვესტიციო ბანკის პრეზიდენტთან, ვერნერ ჰოიერთან, გარდა ამისა, მოლაპარაკებები შედგება მრავალმხრივი საინვესტიციო გარანტიების სააგენტოში, საერთაშორისო საფინანსო კორპორაციაში, საერთაშორისო სავალუტო ფონდის წარმომადგენლებთან, სარეიტინგო და საინვესტიციო კომპანიების წარმომადგენლებთან, ამერიკის შეერთებული შტატების ხაზინაში, ათასწლეულის გამოწვევის ვიცე-პრეზიდენტთან და სხვა. მინისტრის თანმხლებ პირებს წარმოადგენენ გიორგი კაკაურიძე, ფინანსთა მინისტრის პირველი მოადგილე, ეკატერინე გუნცაძე, ფინანსთა მინისტრის მოადგილე. შეხვედრების ფარგლებში, საუბარი გაიმართება საერთაშორისო საფინანსო ორგანიზაციებისა და დონორების ფინანსური მხარდაჭერით საქართველოში მიმდინარე პროექტებსა და პროგრამებზე, სამომავლო თანამშრომლობის საკითხებზე, ასევე, საქართველოში ეკონომიკური ზრდისა და უცხოური ინვესტიციების გაზრდის შესაძლებლობებზე, ქვეყნის ეკონომიკური მდგომარეობისა და მაკროეკონომიკური პარამეტრების თაობაზე, ამ მიმართულებით საერთაშორისო სავალუტო ფონდისა და მსოფლიო ბანკის რეკომენდაციებზე.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



