2022-04-16 16:09:41, 1662 ნახვა
პოლიტიკა
უკრაინაში დაღუპული ქართველი გმირების პანაშვიდზე მისვლა არ მევალება - ირაკლი ღარიბაშვილი
უკრაინაში დაღუპული ქართველი გმირების პანაშვიდზე მისვლა არ მევალება - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა
მისივე თქმით დაღუპული მეომრების სახელით სპეკულირება არის უზნეო საქციელი .
"მე კიდევ ერთხელ გირჩევთ, რომ დაღუპული მეომრების სახელით სპეკულირება არის უზნეო საქციელი. იცით, რას გეტყვით? რაც მევალებოდა მე, როგორც ხელისუფალს და მთავრობას, ყველაფერი გავაკეთე. დაწყებული მათი გადმოსვენებით და მათი ღირსეული სამხედრო წესით დაკრძალვით. დანარჩენი ყველაფერი არის სპეკულაცია და კიდევ ერთხელ ვუსამძიმრებ მათ ოჯახებს", - თქვა ირაკლი ღარიბაშვილმა.
შეგახსენებთ, რომ დღეს უკრაინაში კიდევ 1 ქართველი მებრძოლი დაიღუპა, 1 კი დაიჭრა .
ავტორი: ექსპრესნიუსი,
epn.ge (@expressnews.ge)
