2022-04-14 18:02:07, 1433 ნახვა

---

ოთარ შამუგია: „საქართველოს მასშტაბით სოფლის განვითარების სააგენტოს 9 რეგიონული სამსახური და 45 საინფორმაციო-საკონსულტაციო ცენტრი ფუნქციონირებს, რომლებიც საექსტენციო მომსახურების სერვისს სთავაზობს ფერმერებს“

„ჩვენს ერთ-ერთ მთავარ მიზანს განათლების ხელშეწყობა წარმოადგენს. აგრარული მიმართულებით ცნობიერების ამაღლების და ფერმერთა შესაძლებლობების გაძლიერების მიზნით მიმდინარეობს ფერმერთა კვალიფიკაციის ასამაღლებელი ტრენინგები და სემინარები“, - განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ, საქართველოს პარლამენტში, „მინისტრის საათის“ ფორმატში გამოსვლისას.

როგორც მინისტრმა აღნიშნა, საქართველოს მასშტაბით  სოფლის განვითარების სააგენტოს 9 რეგიონული სამსახური და 45 საინფორმაციო-საკონსულტაციო ცენტრი ფუნქციონირებს, რომლებიც საექსტენციო მომსახურების სერვისს სთავაზობს ფერმერებს. აღსანიშნავია, რომ იაპონიის მთავრობასთან აქტიური თანამშრომლობის შედეგად, სამინისტროს გადმოეცა თანამედროვე ლაბორატორიული ინვენტარით აღჭურვილი ავტომანქანები, რომელთა საშუალებით სოფლის განვითარების სააგენტოს რეგიონული სამსახურების თანამშრომლებს შესაძლებლობა ექნებათ სასოფლო-სამეურნეო სავარგულებზე, ადგილზე მოახდინონ ფერმერთა საექსტენციო მომსახურება.

მინისტრმა ინსტიტუციური რეფორმის საკითხებზეც ისაუბრა და აღნიშნა, რომ სოფლის განვითარების პოლიტიკის დაგეგმვისა და განხორციელების გაუმჯობესების მიზნით, გაგრძელდება ინსტიტუციური რეფორმის განხორციელება, რაც, თავის მხრივ, უზრუნველყოფს შედეგზე ორიენტირებული მართვის ერთიანი მიდგომის დანერგვას სოფლის განვითარების ევროპული მმართველობის პრინციპების შესაბამისად და ხელს შეუწყობს ევროინტეგრაციის პროცესს. რეფორმის განხორციელების შედეგად, ფერმერებისთვის და აგრობიზნესში ჩართული მეწარმეებისათვის ხელმისაწვდომი გახდება მეტი მხარდაჭერის მექანიზმი, რომელიც ორიენტირებული იქნება დივერსიფიცირებაზე, ინკლუზიურობასა და ეფექტიანობაზე.

 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი