|
2022-04-14 18:00:23, 1254 ნახვა
ეკონომიკა
გასულ წლებში, გარემოს დაცვისა და სოფლის მეურნეობის სამინისტრომ 1500-მდე კომპანიის ნარჩენების მართვის გეგმა შეითანხმა
„ნარჩენების მართვის სფერომ ბოლო წლების განმავლობაში მნიშვნელოვანი ცვლილებები განიცადა. ჩამოყალიბდა ევროპულ სტანდარტებთან შესაბამისი მარეგულირებელი კანონმდებლობა, რომელიც სხვადასხვა კატეგორიის ნარჩენების მართვასთან დაკავშირებულ საკითხებს არეგულირებს“, - განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ, საქართველოს პარლამენტში, „მინისტრის საათის“ ფორმატში გამოსვლისას. როგორც მინისტრმა აღნიშნა, გასულ წლებში, სამინისტრომ 1500-მდე კომპანიის ნარჩენების მართვის გეგმა შეითანხმა. ეს მნიშვნელოვანია იმისთვის, რომ მსხვილმა საწარმოო ობიექტებმა სწორად მართონ საწარმოო პროცესში წარმოქმნილი ნარჩენები და შემცირდეს ნარჩენებით გარემოს დაბინძურების ფაქტები. ნარჩენების მართვის კანონმდებლობის შემუშავების სფეროში მიღწეული პროგრესის მიუხედავად, კვლავ პრობლემად რჩება ნარჩენებით გამოწვეული გარემოს დაბინძურება. ეს უმთავრესად უკავშირდება მუნიციპალური ნარჩენების მართვის პრობლემებს, ისევე როგორც სპეციფიკური ნარჩენების ნაკადების მართვის პრობლემებს. დღეისათვის, საქართველოში სრულად არ ხდება სპეციფიკური ნარჩენების სათანადო წესით შეგროვება და გარემოსდაცვითი მოთხოვნების შესაბამისად დამუშავება. „დასანერგია ნარჩენების სეპარირებული შეგროვების სისტემა, რისთვისაც მნიშვნელოვანი ინვესტიციები გვესაჭიროება მუნიციპალიტეტების დონეზე. ამ გამოწვევების მოსაგვარებლად, მომდევნო წლებში აქტიურად ვიმუშავებთ, ბიზნესთან და მუნიციპალიტეტებთან ერთად, რომ ქვეყანამ, ეტაპობრივად დანერგოს მწარმოებლის გაფართოებული ვალდებულების სისტემა. ამ მექანიზმების ჩამოყალიბებით, ხელი შეეწყობა: ნარჩენების სეპარირებულ შეგროვებას, ნარჩენების ხელახალ გამოყენებას და მისი აღდგენის ტექნოლოგიების დანერგვას, ასევე, ნაგავსაყრელებზე განთავსებული ნარჩენების რაოდენობის შემცირებასა და ახალი საწარმოებისა და სამუშაო ადგილების შექმნას ნარჩენების გადამუშავების სფეროში“, - განაცხადა ოთარ შამუგიამ.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



