|
2022-04-14 17:57:22, 1158 ნახვა
ეკონომიკა
საქართველოში ტყის მართვის დაგეგმვა გაუმჯობესდა
ერთ-ერთი მნიშვნელოვანი საკითხი, რაზეც გარემოს დაცვისა და სოფლის მეურნეობის მინისტრმა, ოთარ შამუგიამ სიტყვით გამოსვლისას ყურადღება გაამახვილა, ტყის ინვენტარიზაციაა, რომელიც ქვეყანაში 2014 წლიდან დაიწყო და ამ ეტაპისთვის, დაახლოებით, 360 ათასი ჰექტარი მოიცვა. „ინვენტარიზაცია წარმოადგენს სრულფასოვანი ტყითსარგებლობის დაგეგმვის საფუძველს. სამინისტროს მიერ, 2018-2021 წლებში, საქართველოში პირველად ჩატარდა ტყის ეროვნული აღრიცხვა, რომელიც მოგვცემს ზუსტ სტატისტიკურ ინფორმაციას საქართველოს ტყეების შესახებ. ამ დროისთვის, ტყეების ინვენტარიზაცია საქართველოს ტყის მხოლოდ დაახლოებით 21%-ზეა განხორციელებული, ჩვენი მიზანია 2026 წლისთვის სრულად დასრულდეს საქართველოს ტყეების აღრიცხვა-ინვენტარიზაცია“, - განაცხადა ოთარ შამუგიამ. მნიშვნელოვანია, რომ ინვენტარიზაციის სამუშაოებზე დასაქმებულია სატყეო სააგენტოს სპეციალისტების მიერ გადამზადებული ახალგაზრდა მეტყვე-ტაქსატორები. აღსანიშნავია, რომ 2017 წლიდან აღდგა სატყეო საქმის სპეციალისტის პროფესიული სწავლება, შედეგად, მეტყევის პროფესიას დაეუფლა 156 ადამიანი, რომელთა 80% დასაქმდა სპეციალობით. ოთარ შამუგიამ, 2021 წელს, იმ უპრეცედენტო საერთაშორისო ფინანსურ მხარდაჭერაზეც ისაუბრა, რომელიც სატყეო სექტორის რეფორმის პრაქტიკაში განხორციელებას მოხმარდება. კლიმატის მწვანე ფონდმა (GCF) საქართველოს გამოუყო 33 მილიონი ევროს ოდენობის ფინანსური რესურსი, რომელიც 3 რეგიონში (კახეთი, გურია და მცხეთა-მთიანეთი) ტყის სწორი მართვის ჩამოყალიბებას, მოსახლეობის სოციალურ-ეკონომიკური პირობების გაუმჯობესებას, ხე-ტყის რესურსების რაციონალურ ათვისებას შეუწყობს ხელს.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



