ჰააგის საერთაშორისო სისხლის სამართლის სასამართლოს (ICC) მთავარმა პროკურორმა კარიმ ხანმა კიევის მახლობლად ქალაქ ბუჩაში ვიზიტის შემდეგ განაცხადა, რომ უკრაინის მთელი ტერიტორია შეიძლება ჩაითვალოს დანაშაულის ადგილზე.

”ჩვენ აქ ვართ იმიტომ, რომ გვაქვს კარგი საფუძველი ვირწმუნოთ, რომ აქ ხდება დანაშაულები, რომლებიც ჩვენი სასამართლოს იურისდიქციას ექვემდებარება,” - განუცხადა მან ჟურნალისტებს, ”და ჩვენ მოგვიწევს ომის ნისლის გაფანტვა, რათა მივიდეთ სიმართლეში. და ეს მოითხოვს დამოუკიდებელ და მიუკერძოებელ გამოძიებას“.

კარიმ ხანის თქმით, ICC-ის ექსპერტიზის ჯგუფმა ბუჩაში მუშაობა უკვე დაიწყო.

ბუჩადან რუსული ჯარების გაყვანის შემდეგ ქალაქის ქუჩებში რამდენიმე ათეული მშვიდობიანი მოქალაქის ცხედარი იპოვეს, უკრაინის ხელისუფლება ამბობს, რომ ქალაქში არის მასობრივი საფლავები, რომლებშიც ოკუპაციის დროს დაღუპული ასობით ადამიანი დაკრძალეს. ასევე არსებობს ადგილობრივი მოსახლეობის მრავალი ჩვენება, რომლებიც აცხადებენ რუსი სამხედროების წინააღმდეგ ომის დანაშაულებებზე, მათ შორის მკვლელობაზე, გაუპატიურებასა და ძარცვაზე.

მიუხედავად ამისა, რუსეთი აგრძელებს ბუჩასა და უკრაინის სხვა ქალაქებში ხოცვა-ჟლეტის შესახებ „ყალბ“ მონაცემებს.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო