2022-04-09 11:07:58, 1559 ნახვა
პოლიტიკა
ირაკლი კობახიძე - 9 აპრილი შეგვახსენებს, რომ თავისუფლებას სჭირდება ყოველდღიური მოფრთხილება
„ქართული ოცნების“ თავმჯდომარემ, ირაკლი კობახიძემ 9 აპრილს დაღუპულ გმირთა ხსოვნას პატივი მიაგო და მემორიალი გვირგვინით შეამკო.
როგორც კობახიძემ ჟურნალისტებს განუცხადა, 9 აპრილი შეგვახსენებს, რომ თავისუფლებას სჭირდება ყოველდღიური მოფრთხილება და ზრუნვა.
„დღეს პატივი მივაგეთ 9 აპრილს დაღუპულ გმირებს, მათ ხსოვნას. ეს არის პირველ რიგში ტრაგიკული დღე, გარდა ამისა, ეს დღე შეგვახსენებს, თუ რამდენად ძვირფასია თავისუფლება და შეგვახსენებს იმას, რომ თავისუფლებას სჭირდება ყოველდღიური მოფრთხილება და ზრუნვა. ჩვენი ვალია, სწორედ ამ გმირების, მათი ხსოვნის წინაშე, რომ მაქსიმალურად გავუფრთხილდეთ მათ მონაპოვარს - ეს არის ჩვენი ქვეყნის თავისუფლება და დამოუკიდებლობა", - განაცხადა კობახიძემ.
ავტორი: ექსპრესნიუსი,
epn.ge (@expressnews.ge)
