საქართველოს ხელისუფლება მის მიმართ გაჟღერებული ბრალდების მტკიცებულებებს უკრაინის მხრიდან ელოდება-  ამის შესახებ თბილისის მერმა კახა კალაძემ მედიის მიერ დასმული კითხვის საპასუხოდ განაცხადა.

„საქართველოს არანაირი მტკიცებულება არ აქვს წარმოსადგენი. ეს იყო სამარცხვინო განცხადება, როგორც სხვა ბევრი სამარცხვინო განცხადება მოვისმინეთ. ჩვენ ველოდებით უკრაინის მხარეს, ბრალდება იყო მათი მხრიდან გაჟღერებული, სამარცხვინო  ბრალდება, ამიტომ კეთილი ინებონ და წარმოადგინონ, თუ რაიმე მტკიცებულება გააჩნიათ. ყველაფერი მესმის, რომ ქვეყანა ომშია, ყველანაირად თავს ვიკავებთ რაიმე კომენტარის გაკეთებისგან, ყველაფერს ვაკეთებთ, რომ უკრაინას და უკრაინელ ხალხს მხარში დავუდგეთ.  არაერთი მნიშვნელოვანი გადაწყვეტილება იყო ჩვენი მხრიდან გამოხატული საერთაშორისო პლატფორმებზე, რასაც ჩვენი სტრატეგიული პარტნიორებიც ღიად აღნიშნავენ, მაგრამ ის სამარცხვინო განცხადებები, რაც მოდის ბოლო დღეების განმავლობაში, კატეგორიულად მიუღებელია“, - განაცხადა კახა კალაძემ.

დედაქალაქის მერი ცალკეული ოპოზიციური პარტიების წარმომადგენლების განცხადებებსაც გამოეხმაურა. მისი თქმით, საქართველოს ხელისუფლება ყველაფერს გააკეთებს, რათა ქვეყნის და ხალხის ინტერესები არ დაზიანდეს. 

„რასაც ვისმენთ ბოლო თვეების განმავლობაში კონკრეტული ოპოზიციონერი პოლიტიკოსებისგან მხრიდან, ცხადია, ეს ყველას არ ეხება, ამაზრზენია. სამწუხაროა, აშკარად ჩანს, ეს ადამიანები და ეს კონკრეტული პოლიტიკური პარტიები არიან ქვეყნის მტრები. ჩვენ არაერთი განცხადება, არაერთი ქმედითი ნაბიჯი გვინახავს მათი მხრიდან, რომელიც ქვეყნის ინტერესებს ეწინააღმდეგება, თუმცა რაც არ უნდა იწვალონ და გააკეთონ, საქართველოს ხელისუფლება ყველაფერს გააკეთებს, პირველ რიგში, ჩვენი ქვეყნის და ჩვენი ხალხის ინტერესებიდან გამომდინარე“, - აღნიშნა მან.

მისივე თქმით, სანქცირებული კომპანიები საქართველოში საქმიანობას ვერ შეძლებენ.
„საქართველოში არსებობს კანონები და კანონის ფარგლებში, ყველაფერს გავაკეთებთ იმისთვის, რომ სანქციებში მყოფი კომპანიები საქართველოში ვერ შეძლებენ ვერანაირ საქმიანობას“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.