New York Times-მა გააანალიზა ბუჩას ქუჩების სატელიტური სურათები, რომლებზეც ნაჩვენებია დაღუპულების ცხედრები და დარწმუნდა, რომ ისინი იქ სამ კვირაზე მეტ ხანს ესვენენ.

სატელიტური სურათებისა და ვიდეო კადრების ანალიზი უარყოფს რუსეთის მტკიცებას, რომ ბუჩაში მშვიდობიანი მოსახლეობის მკვლელობა მოხდა მას შემდეგ, რაც რუსმა ჯარისკაცებმა ქალაქი დატოვეს. ხალხი დაიხოცა, როცა ქალაქი რუსული არმიის კონტროლის ქვეშ იყო.

ასე რომ, 2 აპრილს გადაღებულ ერთ-ერთ ვიდეოზე ქუჩაში მიმოფანტული უამრავი გვამი ჩანს, იაბლონსკაიაა.

იმავე ქუჩის სატელიტური სურათები, გადაღებული Maxar Technologies-ის მიერ 11 მარტს, აჩვენებს, რომ იმ დროს იქ სულ მცირე 11 ცხედარი იყო, რომლებიც ესვენა იმავე მდგომარეობაში, როგორც სამ კვირაზე მეტი ხნის შემდეგ.

2 აპრილს გადაღებულ სხვა ვიდეოში ჩანს ორი მიტოვებული მანქანა და ცხედარი იქვე. თანამგზავრული სურათების მიხედვით, ისინი იქ 20-21 მარტს გამოჩნდნენ.

მიუხედავად ამისა, გაეროში რუსეთის წარმომადგენელმა ვასილი ნებენზიამ ნიუ-იორკში გამართულ პრესკონფერენციაზე კვლავ განაცხადა, რომ ბუჩაში მომხდარი "დადგმული პროვოკაცია" იყო დასავლეთის ქვეყნების მხრიდან.

ავტორი: ექსპრესნიუსი,

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა