|
2022-03-31 10:50:44, 751 ნახვა
ეკონომიკა
ლევან მეხუზლა - საერთაშორისო ბაზრებზე პარტნიორების მოძიების პროცესში სახელმწიფო ღვინის სექტორის მუდმივი მხარდამჭერია
ღვინის ეროვნული სააგენტოს თავმჯდომარე ლევან მეხუზლა ღვინის მწარმოებელ მსხვილ ექსპორტიორ 70-მდე კომპანიის წარმომადგენლებს შეხვდა და ქართული ღვინის პოპულარიზაციის ახალი პროგრამის მიზნები, პირობები და მონაწილეობისთვის საჭირო ტექნიკური საკითხები გააცნო. - აღნიშნულის შესახებ ინფორმაციას ღვინის ეროვნული სააგენტო ავრცელებს. „სახელმწიფო პროგრამის მთავარი მიზანი ქართული ღვინის ბაზრების დივერსიფიკაციის ხელშეწყობაა. საერთაშორისო ბაზრებზე მაქსიმალური აქტიურობისა და სტაბილური პარტნიორების მოძიების პროცესში სახელმწიფო ღვინის კერძო სექტორის მუდმივი მხარდამჭერია. ახალი პროგრამის ღვინის ინდუსტრიის წარმომადგენლებისთვის გაცნობის მიზნით, სხვადასხვა ფორმატში, უკვე შევხვდით 250-მდე ღვინის მწარმოებელ კომპანიას. პროგრამის განხორციელებასთან დაკავშირებით, კომპანიებს აქვთ კონკრეტული წინადადებები და მოსაზრებები. ჩვენ ღია ვართ კერძო სექტორთან აქტიური თანამშრომლობისთვის, რათა მივაღწიოთ მიზანს - მოვახდინოთ ბაზრების მაქსიმალური დივერსიფიკაცია და გავზარდოთ ქართული ღვინის ექსპორტის მაჩვენებელი", - აღნიშნა ლევან მეხუზლამ. საქართველოს მთავრობამ, გასული წლის ბოლოს, „ქართული ღვინის პოპულარიზაციის ხელშეწყობის სახელმწიფო პროგრამა" დაამტკიცა, რომლის მიზანი ქართული ღვინის მსოფლიო მასშტაბით ცნობადობისა და ახალ ბაზრებზე ექსპორტის გაზრდის ხელშეწყობაა. პროგრამის თანახმად, დაფინანსებას მიიღებენ კომპანიები, რომლებიც ექსპორტს პრიორიტეტულ ბაზრებსა და მსოფლიოს სხვადასხვა ქვეყნებში, გარდა დსთ-ს ქვეყნებისა, ახორციელებენ. კომაპნიის მიერ გაწეული მარკეტინგული ხარჯები უნდა ითვალისწინებდეს საერთაშორისო ბაზრებზე სავაჭრო პარტნიორების მოძიების, სხვადასხვა ტიპის სავაჭრო ობიექტში შესვლის და გაყიდვების გაზრდის მიზნით დეგუსტაციების გამართვას, საერთაშორისო მარკეტინგულ კომპანიებთან თანამშრომლობას, მედიაკამპანიების წარმართვას, პროდუქციის რეკლამას და სხვა მიზნობრივ აქტივობას. პროგრამას ღვინის ეროვნული სააგენტო, საქართველოს გარემოს დაცვისა და სოფლის მეურნეობის სამინისტროსთან კოორდინაციით განახორციელებს.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: R (რეკლამა),



