მარიუპოლში რუსებმა გაურკვეველი მიმართულებით, იძულებით გაიყვანეს ქალაქის No1 საავადმყოფოს ექიმები და პაციენტები, ასევე ქალაქის მცხოვრებლები, რომლებიც დაბომბვისგან იმალებოდნენ სამედიცინო დაწესებულების სარდაფებში.  - ამის შესახებ მარიუპოლის საკრებულოს პრესსამსახური Telegram-ზე იტყობინება, 

თვითმხილველების თქმით, ოკუპანტებმა გაურკვეველი მიმართულებით ძალით გაიყვანეს სამედიცინო პერსონალი, პაციენტები და მარიუპოლის სხვა მაცხოვრებლები, რომლებიც მტრის დაბომბვისგან იმალებოდნენ სამედიცინო დაწესებულების სარდაფებში“, - ნათქვამია საგანგებო განცხადებაში.

აღნიშნულია, რომ საავადმყოფოს ტერიტორიაზე 700-მდე ადამიანი იმყოფებოდა. რამდენი მათგანი იქნა გატაცებული რუსი ოკუპანტების მიერ, ზუსტად უცნობია. ინფორმაცია ზუსტდება.

როგორც Ukrinform იტყობინება, რუსეთის აგრესიამ საშინელი ჰუმანიტარული კატასტროფა გამოიწვია მარიუპოლში. დამპყრობლები ბომბავს უიარაღო მოსახლეობას, ბლოკავს ჰუმანიტარულ დახმარებას და ხალხის ნების საწინააღმდეგოდ მიჰყავთ რუსეთის ფედერაციის ტერიტორიაზე.
აზოვის პოლკის მეთაურმა თქვა, რომ მარიუპოლში მშვიდობიანი მოსახლეობის დაღუპულთა რიცხვი ყოველდღიურად იზრდება და 4 ათასამდე ადამიანს აღწევს, მაგრამ ამის რეალური შეფასება ძნელია.

ვიცე-პრემიერმა - უკრაინის დროებით ოკუპირებული ტერიტორიების რეინტეგრაციის საკითხებში მინისტრმა ირინა ვერეშჩუკმა განაცხადა, რომ რუსულმა ჯარებმა ქალაქი თითქმის გაანადგურეს და მისგან ყველა მშვიდობიანი მოქალაქე უნდა იყოს ევაკუირებული.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა