ეკონომიკის მინისტრის მოადგილის, გენადი არველაძის განცხადებით, ევროკავშირის ბაზარზე წვდომაში კერძო სექტორის, მათ შორის მცირე და საშუალო მეწარმეების ხელშეწყობის მიზნით, მთავრობა აქტიურად მუშაობს  DCFTA-ის მოთხოვნების შესაბამისი  ხარისხის ინფრასტრუქტურის განვითარების მიმართულებით. 

„საქართველოში ლაბორატორიების უმეტესობას არ აქვს შესაძლებლობა ჩაატაროს ტესტირება რეგულირებულ სფეროებში ევროპული ან საერთაშორისო სტანდარტების მიხედვით. ამ გამოწვევის დასაძლევად პირველი ნაბიჯი უკვე გადაიდგა, კერძოდ, ევროკავშირის დაფინანსებული პროექტის - AA Facility-ის მხარდაჭერით, ვატარებთ კვლევას, რომელიც შეაფასებს შესაბამისობის შეფასების შესაძლებლობებს საქართველოში. აღნიშნული კვლევა  გამოყოფს იმ პრიორიტეტულ მიმართულებებს, რომლებზეც უნდა კონცენტრირდეს სახელმწიფო, რათა შეიქმნას საჭირო ლაბორატორიული ინფრასტრუქტურა საქართველოში. ვიმედოვნებთ, რომ კვლევის შედეგები კარგ საფუძველს შექმნის ევროკავშირისა და საერთაშორის დონორების მომავალი ფინანსური დახმარების მოსაზიდად" - აღნიშნა მინისტრის მოადგილემ.

საქართველოს პარლამენტში, დარგობრივი ეკონომიკისა და ეკონომიკური პოლიტიკისა და ევროპასთან ინტეგრაციის კომიტეტების ერთობლივ სხდომაზე გაკეთებულ მოხსენებაში გენადი არველაძემ ასევე ყურადღება გაამახვილა ვაჭრობაში ტექნიკური ბარიერების სფეროში მიღწეულ შედეგებზე  და განაცხადა, რომ DCFTA-ით გათვალისწინებული დაახლოების ვალდებულებებიდან საქართველოს კანონმდებლობა უკვე დაახლოებულია ევროკავშირის 12 საკანონმდებლო აქტთან (სულ ვალდებულებაა დავუახლოვდეთ 20 EU აქტს). 

მისივე შეფასებით, ეს პროცესი აქტიურად მიმდინარეობს სამომხმარებლო და ინდუსტრიული პროდუქტების იმპორტისას ბაზარზე ზედამხედველობის შეუფერხებელი ადმინისტრირების, სტანდარტებისა და მეტროლოგიის, აკრედიტაციის, სანიტარული და ფიტოსანიტარული, ინტელექტუალური საკუთრების, სახელმწიფო შესყიდვების, ვაჭრობაში დაცვითი ზომების, კონკურენციისა და სხვა მნიშვნელოვან  სფეროებში.

ავტორი: NS (სტატია დაფინანსებულია),

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა