2022-03-21 03:55:42, 1653 ნახვა
სხვადასხვა
კიევში, რუსების თავდასხმის შედეგად, სავაჭრო ცენტრი განადგურდა
კიევში აფეთქებების შედეგად ერთი ადამიანი დაიღუპა. ამის შესახებ მედია კიევის მერზე, ვიტალი კლიჩკოზე დაყრდნობით წერს.
კიევში, პოდილსკის რაიონში, რუსი ოკუპანტების თავდასხმის შედეგად, სავაჭრო ცენტრი განადგურდა. ფოტოებს ადგილობრივი მედიასაშუალებები ავრცელებენ. ამ დროისთვის მეხანძრეები მასშტაბური ცეცხლის ჩაქრობას ცდილობენ.
მანამდე გავრცელდა ინფორმაცია, რომ უკრაინის საჰაერო თავდაცვის სისტემამ ჰაერში ცეცხლი გაუხსნა უცნობ ობიექტს. მედიის ცნობით, უკრაინის საზენიტო დანადგარებმა რუსი სამხედროების მიერ ნასროლი რაკეტა ჩამოაგდეს.
ავტორი: ექსპრესნიუსი,
epn.ge (@expressnews.ge)
