გასულ წელს მარტვილში, წალენჯიხასა და ჩოხატაურში აშენდა საგანგებო სიტუაციების მართვის ახალი შენობები. თანამედროვე შენობები მორგებულია სახანძრო-სამაშველო სამსახურის თანამშრომელთა საჭიროებებზე და შეესაბამება თანამედროვე სტანდარტებს - ამის შესახებ შინაგან საქმეთა მინისტრმა, ვახტანგ გომელაურმა პარლამენტში, „მინისტრის საათის“ ფორმატში  ანგარიშის წარდგენისას განაცხადა.

როგორც ვახტანგ გომელაურმა აღნიშნა, ახალ შენობებში მეხანძრე-მაშველების საქმიანობისთვის ყველა აუცილებელი პირობაა შექმნილი. მისივე თქმით, 2022 წელს დასრულდება სახანძრო-სამაშველო შენობების სამშენებლო სამუშაოები კასპში, ხულოში, ბორითსა და ონში.

„2022 წელს დასრულდება ახალი სახანძრო-სამაშველო შენობების სამშენებლო  სამუშაოები კასპში, ხულოში, ბორითსა და ონში. დაგეგმილია სხვადასხვა სახის აღჭურვილობისა და ინვენტარის შეძენა, ფორმის განახლება.  გაგრძელდება პროექტის - "მოხალისე" იმპლემენტაცია, სადაც ეტაპობრივად ჩაერთვება საქართველოს სხვადასხვა რეგიონი.

მოხდება ინტერაქტიული რუკის სრულყოფა, რომლის მეშვეობით შესაძლებელი გახდება: სახანძრო/სამაშველო ჯგუფების გადაადგილების ონლაინხედვა და მათი სტატუსების მონიტორინგი, ინციდენტამდე მისასვლელი ოპტიმალური გზებისა და გზის დატვირთულობის განსაზღვრა.  ასევე,  კავშირის ხარისხის გაუმჯობესების მიზნით, იგეგმება რადიო და ფიჭური კავშირის დაფარვის ზონების გაფართოება“, - განაცხადა შინაგან საქმეთა მინისტრმა.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.