ძლიერმა ქარმა თბილისის სხვადასხვა რაიონში პრობლემები შექმნა. სტიქიის გამო, ძირითადად საბურთალოს, გლდანისა და ნაძალადევის რაიონები დაზარალდა. - ამის შესახებ ინფორმაციას თბილისის მერია არცელებს..

უწყების ცნობით, ამ დროისთვის, ფიქსირდება ხეების წაქცევის, ტოტების მტვრევის, ელექტროენერგიისა და ინტერნეტის სადენების, ასევე ბუნებრივი აირის მილების დაზიანების ფაქტები. ხის ტოტების მტვრევამ გამოიწვია კერძო ავტომობილების დაზიანება.

"საბურთალოს რაიონში ძლიერმა ქარმა რამდენიმე მისამართზე სახლებს სახურავები გადახადა.  სტიქიის შედეგად, ნაძალადევის რაიონში ავარიული შენობის ფრაგმენტი ჩამოიშალა. შემთხვევის შედეგად არავინ დაშავებულა.

აღმაშენებლის ხეივანში საქართველოს სახელმწიფო დროშა დაზიანდა, რომლის აღდგენაც უსაფრთხოებიდან გამომდინარე, ქარის ჩადგომის შემდგომ მოხდება.

ამ დროისთვის, ზარალის აღმოფხვრისა და შესაბამისი ღონისძიებების გატარების მიზნით, თბილისის მუნიციპალიტეტის შესაბამისი სამსახურები საგანგებო რეჟიმში მუშაობენ.  მიმდინარეობს ქარისგან მიყენებული ზარალის დათვლა. ათივე რაიონში, გამგეობის თანამშრომლები შემთხვევის ადგილას იმყოფებიან და მზად არიან, დაზარალებულ ოჯახებს შესაძლებლობების ფარგლებში დაეხმარონ. „ეკოსერვის ჯგუფის“ თანამშრომლებს ტერიტორიიდან დამტვრეული ხეები და ხის ტოტები გააქვთ." - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.