ევროკომისიის პრეზიდენტის, ურსულა ფონ დერ ლეიენის განცხადების კვალდაკვალ, აშშ-მ, კანადამ, საფრანგეთმა, გერმანიამ, იტალიამ და დიდმა ბრიტანეთმა ერთობლივი განცხადება გამოაქვეყნეს, სადაც წერენ, რომ რუსეთის ცენტრალური ბანკის საგარეო აქტივებს ყინავენ. 
გადაწყვეტილება ქვეყნებმა კიევზე რუსეთის მასშტაბური თავდასხმის მოლოდინში გამოაცხადეს. 
საერთო განცხადებაში საუბარია რუსეთისათვის ახალი ეკონომიკური სანქციების დაწესებაზე, მათ შორის, იმაზე, რომ "ცალკეული რუსული ბანკები გაეთიშებიან SWIFT-ის მესენჯერ სისტემას". 
როგორც ევროკომისიის პრეზიდენტმა, ურსულა ფონ დერ ლაიენმა განაცხადა, რუსული ბანკების გარკვეული რაოდენობა ამოღებულ იქნას SWIFT-იდან. ეს შეაჩერებს მათ ოპერირებას მთელ მსოფლიოში 
„აშშ-სთან, საფრანგეთთან, გერმანიასთან, იტალიასთან, კანადასთან და დიდ ბრიტანეთთან კოორდინაციით, ევროკავშირის ლიდერებს შევთავაზებ ახალ ზომებს, რათა გავაძლიეროთ ჩვენი პასუხი რუსეთის მხრიდან უკრაინაში შეჭრაზე და ზიანი მივაყენოთ პუტინის უნარს დააფინანსოს საკუთარი საომარი მანქანა.
უპირველეს ყოვლისა, ჩვენ ვიღებთ ვალდებულებას, უზრუნველვყოთ, რომ რუსული ბანკების გარკვეული რაოდენობა ამოღებულ იქნას SWIFT-იდან. ეს შეაჩერებს მათ ოპერირებას მთელ მსოფლიოში და ეფექტურად დაბლოკავს რუსეთის ექსპორტსა და იმპორტს.
მეორე, ჩვენ მოვახდენთ რუსეთის ცენტრალური ბანკის აქტივების პარალიზებას. ეს გაყინავს მის ტრანზაქციებს და ეს შეუძლებელს გახდის, მოახდინოს მისი აქტივების ლიკვიდაცია.
და ბოლოს, ჩვენ ვიმუშავებთ, რათა ავუკრძალოთ რუს ოლიგარქებს, გამოიყენონ მათი ფინანსური აქტივები ჩვენს ბაზრებზე. პუტინი უკრაინის განადგურების გზას დაადგა. მაგრამ ის, რასაც ის ასევე აკეთებს, ფაქტობრივად, ანგრევს საკუთარი ქვეყნის მომავალს“, – ნათქვამია ურსულა ფონ დერ ლაიენის მიერ „ტვიტერით“ გავრცელებულ განცხადებაში.
ცენტრალური ბანკი ქვეყნის მთავარი საფინანსო ინსტიტუტია, რომლის მოვალეობა ეროვნული ვალუტის მიწოდების, გაცვლითი კურსის და ინფლაციის დონის კონტროლია. გარდა ამისა, ცენტრალური ბანკი ადგენს ქვეყანაში მონეტარული პოლიტიკის განაკვეთს, ანუ იმ საპროცენტო მაჩვენებელს რომლითაც კომერციული ბანკები შეძლებენ თანხის მიღებას. ცენტრალური ბანკის გამართულად და შეუფერხებლად ფუნქციონირება ქვეყნის ეკონომიკისა და საფინანსო სექტორისთვის აუცილებელია. 

ცენტრალური ბანკის თავის დაზღვევის უმთავრესი მექანიზმი რეზერვია, რომელიც, ძირითადად, ნაღდი ფულის, უცხოური ვალუტების, ფასიანი ქაღალდების, სახაზინო ობლიგაციებისა და ოქროსაგან შედგება. რუსეთის ცენტრალური ბანკის რეზერვის მოცულობა, დაახლოებით, 645 მილიარდ დოლარს შეადგენს, რაც მსოფლიოში ერთ-ერთი ყველაზე მაღალი მაჩვენებელია. 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!