თბილისში რესტორან "თავადურში" მიხეილ ხუბუტიას სცემეს

2014-12-21 23:27:51, 5019 ნახვა

სამართალი

თბილისში რესტორან “თავადურში” ბიზნესმენ მიხეილ ხუბუტიას, “რუსეთში ქართველთა კავშირის” თავმჯდომარეს სცემეს.

შს სამინისტროში აცხადებენ, რომ მომხდართან დაკავშირებით სისხლის სამართლის საქმე 125-ე მუხლით, ცემის ფაქტზე დაიწყო.

“ეს იყო მიზანმიმართული და სპონტანური პროვოკაცია. საქართველოში, კანონით, ხელი არ უნდა აღმართო ადამიანზე. რესტორანში დაცვის გარეშე ვიყავი. აღმასრულებელი დირექტორი დაცვასთან ერთად მე და პუტინს დედას გვაგინებდა, ასევე აგინებდნენ რუსეთს. თითქმის ოთხმა კაცმა მცემა, მერე ძირს დამაგდეს და ასე მცემდნენ. მადლობა ღმერთს, პოლიციამ ჩანაწერი იპოვა, სადაც ჩანს რომ მცემენ. აი, რა მოუტანა გლობალიზაციამ საქართველოს. დარწმუნებული ვარ, დამნაშავეებს შესაბამისად დასჯიან,”– წერს ხუბუტია ფეისბუქის საკუთარ გვერდზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან