საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით, ვებინარი „ატმოსფერული ჰაერის ხარისხი და მონიტორინგი” გაიმართა.

ვებინარში მონაწილეობა ეკოლიდერებმა, გარემოსდამცველმა მოხალისეებმა და სხვადასხვა მუნიციპალიტეტიდან აღნიშნული თემით დაინტერესებულმა მოსწავლეებმა მიიღეს.

შეხვედრა ცენტრის დირექტორმა, თამარ ალადაშვილმა გახსნა და საქართველოში ატმოსფერული ჰაერის ხარისხის კუთხით არსებული მდგომარეობისა და ჰაერის ხარისხის გასაუმჯობესებლად განხორციელებული ღონისძიებების შესახებ ისაუბრა.
 
„გარემოსდაცვით აქტივობებში განსაკუთრებით მნიშვნელოვანია ახალგაზრდების ჩართულობა, რათა ხელი შევუწყოთ ეკომეგობრული მიდგომების განვითარებას. ატმოსფერული ჰაერის ხარისხის გაუმჯობესების შესახებ ცნობიერების ამაღლების მიზნით, ცენტრი უწყვეტად ახორციელებს სხვადასხვა აქტივობას, მათ შორის, ტრენინგებს, საინფორმაციო შეხვედრებს და კონკურსებს“, - განაცხადა თამარ ალადაშვილმა.   

შეხვედრაზე, დარგის სპეციალისტებმა, გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელმა, ნოე მეგრელიშვილმა და გარემოს დაბინძურების მონიტორინგის დეპარტამენტის უფროსის მოადგილემ, ელინა ბაქრაძემ ატმოსფერული ჰაერის ხარისხისა და მონიტორინგის მექანიზმების შესახებ ისაუბრეს. ახალგაზრდებმა ჰაერის დაბინძურების ძირითადი წყაროებისა და ჰაერის დაბინძურების შესამცირებლად არსებული რეკომენდაციების შესახებ ამომწურავი ინფორმაცია მიიღეს.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.