მკლავჭიდის ეროვნული ფედერაცია კულტურისა და სპორტის სამინისტროს წინააღმდეგ სამართლებრივ დავას იწყებს. სამინისტროში, მკლავჭიდის ფედერაციის პრეზიდენტმა სოსო ჯაჭვლიანმა და მისმა უფლებადამცველმა კახა კოჟორიძემ წერილი უკვე შეიტანეს. 

"ფედერაციამ მიიღო 4 წლიანი დისკვალიფიკაცია 2025 წლამდე და აქედან გამომდინარე შეგვაქვს ახლა სამინისტროში წერილი და ვიწყებთ სამართლებრივ დავას. სახელმწიფომ უნდა გადაიხადოს ეს თანხა, რაც მსოფლიო ფედერაციამ დაგვაკისრა. ", - აცხადებს სოსო ჯაჭვლიანი.

როგორც ჯაჭვლიანის უფლებადამცველი აცადებს, სამინისტროს 900 000 დოლარი და 20 000 ევრო უნდა დაეკისროს.

ადვოკატის თქმით, საუბარია იმ თანხაზე, რაც მსოფლიო მკლავჭიდის ფედერაციამ 2021 წელს არ გამართული ჩემპიონატის გამო საქართველოს მკლავჭიდის ფედერაციას დააკისრა.

ჩვენ ვითხოვთ, რომ სამინისტროს დაეკისროს დაახლოებით 900 000 დოლარი და 20 000 ევრო. ეს არის ის ფინანსური სანქიცა, რომელიც მსოფლიო მკლავჭიდის ფედერაციამ ქართულ მკლავჭიდის ფედერაციას დააკისრა, იმის გამო რომ სამინისტროს ბრალეული ქმედებით საქართველოში ჩაიშალა 2021 წელს მსოფლიო მკლავჭიდის ჩემპიონატის ჩატარება" , -  განაცხადა სოსო ჯაჭვლიანმა და მისმა უფლებადამცველმა კახა კოჟორიძემ.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.