2022-01-23 16:30:03, 1011 ნახვა
საზოგადოება
„არასდროს დავბრუნდებით საბჭოთა კავშირში“ - თბილისში უკრაინის მხარდამჭერი აქცია მიმდინარეობს
უკრაინის საელჩოსთან მოქალაქეები, სამოქალაქო აქტივისტები და ოპოზიციონერი პოლიტიკოსები არიან შეკრებილნი და უკრაინის მხარდამჭერ აქციას მართავენ.
აქციის მონაწილეებმა ადგილზე უკრაინისა და საქართველოს ჰიმნები გააჟღერეს და ორივე ქვეყნის დროშები გაშალეს, ასევე მიიტანეს ბანერები.
შეკრებილები უკრაინას სოლიდარობას უცხადებენ, საქართველოს ხელისუფლებას კი მოუწოდებენ, მეგობარი ქვეყნის მიმართ მხარდაჭერა ღიად დააფიქსიროს.
ავტორი: ექსპრესნიუსი,
epn.ge (@expressnews.ge)
