მიხეილ სააკაშვილის ტყვეობა ნიშნავს 10 მილიარდი დოლარის ინვესტიიის დაპატიმრებას, - ამის შესახებ „ნაციონალური მოძრობის“ ერთ-ერთმა წევრმა, ლევან ხაბეიშვილმა ჟურნალისტებთან საუბრისას განაცხადა.

„არ დაგვავიწყდეს, სანამ ჩვენ ვსაუბრობთ, 10 მილიარდი დოლარის ინვესტორი, რომელსაც საქართველოში, ფაქტობრივად, 200 00-მდე სამუშაო ადგილის შექმნა შეუძლია, გამოკეტილი ჰყავთ ციხეში. არადა, უკრაინაში ამ მიმართულებით აქტიურად იყენებდნენ პრეზიდენტ სააკაშვილს. კარგად უნდა გაიაზრონ ჩვენმა მოქალაქეებმა, რომ პრეზიდენტ სააკაშვილის ტყვეობა ნიშნავს 10 მილიარდი დოლარის ინვესტიციის დაპატიმრებას“, - აცხადებს ხაბეიშვილი.

ლევან ხაბეიშვილი „ნაციონალური მოძრობის“ ოფისში ჩანიშნულ პოლიტსაბჭოს სხდომასაც გამოეხმაურა და აღნიშნა, რომ იქ მიღებული იქნება პოლიტიკური გადაწყვეტილებები და არ გამორიცხა, რომ პარტიაში მოხდეს ცვლილებები.

„პოლიტიკური საბჭოს სხდომა რომ იმართება, იქ მიიღება პოლიტიკური გადაწყვეტილებები. ამიტომ, გამორიცხვით, რა თქმა უნდა, არაფერს გამოვრიცხავ, თუმცა ამ გადაწყვეტილების შესახებ, როცა ჩემი კოლეგები, ყველანი ერთად ვიმსჯელებთ, საჯაროდ მხოლოდ ამის შემდეგ გახდება ცნობილი", - განაცხადა ხაბეიშვილმა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს