2021-12-21 23:11:03, 938 ნახვა
რეგიონი
ოკუპირებულ სოხუმში ოპოზიციონერები აქციას მართავენ
რუსეთის მიერ ოკუპირებულ სოხუმში, მაცხოვრებლები დე ფაქტო პარლამენტის შენობის წინ საპროტესტო აქციას მართავენ. დემონსტრაციის მიზეზი ადგილობრივი დე ფაქტო მთავრობის მიერ, კორონავირუსის პანდემიის არაეფექტური მართვა, აფხაზეთში არსებული ენერგოკრიზისი და საჯარო მოხელეების აბსურდული რაოდენობით ზრდა სახელდება.
გავრცელებული ინფორმაციით, საპროტესტო აქცია მას შემდეგ გაიმართა, რაც აღნიშნულ საკითხებთან დაკავშირებით, აფხაზი ოპოზიციონერების მიერ დე ფაქტო პრეზიდენტთან და სხვა მაღალჩინოსნებთან შეხვედრა, უშედეგო გამოდგა.
ამასთან ერთად, საპროტესტო აქციის მონაწილეებმა, პოლიციის კორდონის გარღვევაც სცადეს, რასაც მხარეებს შორის დაპირისპირება მოჰყვა. მედიაში გავრცელებული ვიდეოებით ჩანს, რომ მომიტინგეები ავტობუსის გადაბრუნებას ცდილობენ.
ავტორი: ექსპრესნიუსი,
epn.ge (@expressnews.ge)
