იაშვილის სახელობის ბავშვთა ცენტრალური საავადმყოფოს სამედიცინო დირექტორი, ივანე ჩხაიძე აცხადებს, რომ ადამიანისთვის, რომელსაც გადატანილი აქვს კორონავირუსის ალფა ან დელტა ვარიანტი, ახალი „ომიკრონით“ ინფიცირება ძალიან მაღალ რისკს წარმოადგენს.

ივანე ჩხაიძე „ბუსტერ“ დოზების მნიშვნელობაზე საუბრობს და აღნიშნას, რომ ორი დოზა ვაქცინა, მათ შორის, „ფაიზერი“, „ომიკრონის“ წინააღმდეგ ეფექტური არ არის.

„იცით, რომ "ომიკრონის" გარშემო ინფორმაცია ეფუძნებოდა ერთეულ შემთხვევებს - სამხრეთ აფრიკა და დიდი ბრიტანეთი. რამდენიმე საათის წინ გამოქვეყნდა სამხრეთ აფრიკაში 78 000 პაციენტის შესწავლის შედეგი, რაც უკვე რეალურ სურათს გვაძლევს "ომიკრონის" კლინიკური მიმდინარეობის, მათ შორის მიმდინარეობას ბავშვებში სიმძიმის და ვაქცინის ეფექტურობის შესახებ. პირველი, რაც მნიშვნელოვანია და ცოტათი მოულოდნელი, როდესაც ჩვენ ვსაუბრობდით ვაქცინის ეფექტურობაზე ვამბობდით, რომ ორი დოზა ვაქცინა მათ შორის ფაიზერის ომიკრონის წინააღმდეგ ეფექტური არ არის. ის კვლევა, რაც გამოქვეყნდა რამდენიმე საათის წინ მიუთითებს, რომ ფაიზერის ვაქცინა ეფექტურია 33% -ით ინფიცირების შემთხვევების თავიდან აცილების, მაგრამ ძალიან მაღალი 70%-ით მძიმე მიმდინარეობის თავიდან აცილების თვალსაზირსით. შესაბამისად ორი დოზა ფაიზერის ვაქცინა ეფექტური აღმოჩნდა საავადმყოფოში მძიმე შემთხვევების თავიდან აცილებისთვის, რაც ხაზს უსვამს იმას რომ "ბუსტერ" დოზა იქნება მაქსიმალურად ეფექტური. ვსაუბრობთ გამოსავალზე "ომიკრონის" საქართველოში შემოსვლის შემდეგ ერთადერთი გამოსავალი არის ის, რომ იმ ადამიანებმა, რომლებმაც გაიკეთეს ორი დოზა ფაიზერი, ორი დოზა ასტრაზენეკა მათი ინფიცირების  რიკი ძალიან მაღალია და "ომიკრონი" სრულიად გამორჩეული მუტაციაა და აღემატება ჩვენთვის ძალიან საშიშ დელტა ვარიანტის შემთხვევებს, ანუ რეინფიცირება, როდესაც ადამიანს გადატანილი აქვს დელტა ან ალფა ვარიანტი და შემდეგ ინფიცირდება ამ ახალი ომიკრონის ვარიანტით არის ძალიან მაღალი რისკი.", - განაცხადა ივანე ჩხაიძემ.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს