თბილისის საკრებულოში „ნაციონალური მოძრაობის“ თავმჯომარე ირაკლი ნადირაძე და დედაქალაქის მერი, კახა კალაძე ერთმანეთს სიტყვიერად დაუპირისპირდნენ.

ირაკლი ნადირაძემ კალაძეს შეკითხვით მიმართა, თუ რამდენი მილიონი ლარის მოპარვას აპირებდა დედაქალაქის მერი მომდევნო ტენდერებიდან.

„მოიპარეთ 60 მილიონი ლარი. მე მაქვს კითხვა, თქვენ ბრძანეთ, რომ მომავალ წელსაც აპირებთ ავტობუსების ყიდვას, რაც ბიუჯეტის პროექტშიც არის ჩადებული. მე მაინტერესებს, შემდეგი ტენდერიდან რამდენი მილიონი ლარის მოპარვას აპირებთ? სამართლიანია, რომ თქვენ ამდენი კორუფციული ფაქტისა და სკანდალის შემდეგ, აქ იყოთ, მთავრობას ამტკიცებდეთ, ხოლო ქვეყნის მთავარი რეფორმატორი - მიხეილ სააკაშვილი გყავდეთ ციხეში. მაგიტომ გინდათ ივანიშვილის გუნდი, რომ ფულები იშოვოთ, გამდიდრდეთ და მილიონებს დამატებით მილიარდები და მილიონები შემატოთ“, - მიმართა ნადირაძემ.

საპასუხოდ, დედაქალაქის მერმა ნადირაძე ოპოზიციიდან საკრებულოს ყოფილ წევრს, ლევან ხაბეიშვილს შეადარა და შემდეგი სიტყვებით მიმართა - ,,დაჯექი, ორიანი".

„ჩვენ გვაქვს საუკეთესო მოცემულობა. ლევან ხაბეიშვილი, რომელიც საკრებულოს ნომერ პირველი ჯამბაზად იყო წოდებული, ირაკლი ნადირაძემ ჩაანაცვლა. ასე რომ, მივცეთ იმის შესაძლებლობა და საშუალება, რომ გავერთოთ... დაჯექი ორიანი“, - უპასუხა კალაძემ ნადირაძეს.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი