|
2021-12-02 12:53:42, 924 ნახვა
ეკონომიკა
FAO - ხორბლის და რძის პროდუქტების ფასი მსოფლიოში მეოთხე თვეა იზრდება
FAO-ს სურსათის ფასების ინდექსის მიხედვით, რომელიც სამომხმარებლო კალათის ხუთი ძირითადი პროდუქტის (რძე, მარცვლეული, მცენარეული ზეთი, შაქარი და ხორცი) საერთაშორისო ფასების ცვალებადობას ასახავს, ნოემბერში 1.2 %-ით გაიზარდა და 134.4 ქულა შეადგინა. გასული წლის ნოემბერთან შედარებით, ინდექსი 27.3 %-ითაა გაზრდილი. მეოთხე თვეა, რაც ფასების ინდექსის მაჩვენებელი გლობალურად იზრდება. ის ყველაზე მაღალია 2011 წლის ივნისის მონაცემების შემდეგ. ნოემბრის თვეში, FAO-ს მარცვლეულის ფასების ინდექსმა, საერთო ჯამში, 3,1%-ით მოიმატა. სიმინდის ექსპორტის ფასი მცირედით გაიზარდა, ხოლო ბრინჯის ფასი საერთაშორისო ბაზრებზე, ძირითადად, სიმყარეს ინარჩუნებს. ფასების ზრდა გამოიწვია გაზრდილმა მოთხოვნამ, მაშინ, როცა პროდუქციის, განსაკუთრებით, მაღალი ხარისხის ხორბლის მიწოდება შემცირდა. ფასების ზრდის მიზეზებს შორის იყო მოულოდნელი წვიმა ავსტრალიაში და რუსეთის ფედერაციის საექსპორტო აქტივობებში შესაძლო ცვლილებებთან დაკავშირებული გაურკვევლობა. FAO-ს მცენარეული ზეთის ფასის ინდექსმა, წინა თვესთან შედარებით, 0.3%-ით იკლო. ფასის შემცირებას ხელი შეუწყო სოიოსა და რაფსის ზეთების ღირებულებისა და ნედლი ნავთობის ფასის შემცირებამ. არ შეცვლილა პალმის ზეთის საერთაშორისო ფასი. ყველაზე მეტად, ნოემბერში FAO-ს რძის პროდუქტების ფასის ინდექსი გაიზარდა - 3.4 %-ით. ნოემბერში კვლავ დიდი მოთხოვნა იყო კარაქისა და რძის ფხვნილების გლობალურ იმპორტზე. ოქტომბერთან შედარებით, 0,9%-ით შემცირდა FAO-ს ხორცის ფასის ინდექსი. ამ მაჩვენებლის კლება ჩინეთის მხრიდან ღორის ხორცის შემცირებულმა შესყიდვებმა განაპირობა. ასევე, მკვეთრად შემცირდა ცხვრის ხორცის ფასი მაშინ, როცა ავსტრალიიდან საექსპორტო მიწოდება გაიზარდა. მსხვილფეხა რქოსანთა და ფრინველის ხორცის ფასი სტაბილური იყო. 1,4%-ით გაიზარდა FAO-ს შაქრის ფასების ინდექსი წინა თვესთან შედარებით. ეს დაახლოებით 40%-ით მეტია, ვიდრე გასული წლის ნოემბრის მაჩვენებელი. ცვლილების მთავარი მიზეზი ეთანოლის გაზრდილი ფასები იყო. თუმცა, მაჩვენებლის მომატებაზე ასევე გავლენა მოახდინა მოცულობითმა სატვირთო გადაზიდვებმა ინდოეთიდან და ტაილანდის შაქრის ექსპორტის პოზიტიურმა პერსპექტივამ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



