|
2021-11-23 12:05:09, 1085 ნახვა
ეკონომიკა
ნინო თანდილაშვილი ბიზნესფორუმს დაესწრო
საქართველოში ავსტრიის საელჩოს, ავსტრიის საგარეო ვაჭრობის წარმომადგენლობისა (Advantage Austria) და საქართველოს სავაჭრო სამრეწველო პალატის (GCCI) ორგანიზებით, ბიზნესფორუმი „ეკონომიკის მდგრადობა და გამწვანება - საქართველოს სტრატეგიები ეკონომიკის აღდგენის კონტექსტში COVID-ის შემდეგ” გაიმართა. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, ფორუმს საქართველოს ეკონომიკისა და მდგრადი განვითარების მინისტრი ნათია თურნავა, გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, ავსტრიის ელჩი საქართველოში, თომას მიულმანი, ავსტრიის კონსული სავაჭრო საკითხებში საქართველოში, აზერბაიჯანსა და თურქეთში, გეორგ კარაბაჯეკი, საქართველოს სავაჭრო სამრეწველო პალატის ვიცეპრეზიდენტი ნინო სუქნიძე და ავსტრიული და ქართული ბიზნესსექტორის წარმომადგენლები ესწრებოდნენ. მათივე ინფორმაციით, მონაწილეებმა ავსტრიული და ქართული ბიზნესსექტორის თანამშრომლობის და ბიზნესინოვაციებისა და მწვანე ეკონომიკის შესაძლებლობების საკითხები განიხილეს. ბიზნესფორუმის ფარგლებში, „Energy Globe Award” დაჯილდოება და სიმპოზიუმი „მდგრადი განვითარება პრაქტიკულ ჭრილში - ავსტრიული და ქართული გამოცდილებები“ გაიმართა. სიმპოზიუმზე ნინო თანდილაშვილმა კლიმატის ცვლილებებთან დაკავშირებით პრეზენტაცია წარმოადგინა. „მინდა აღვნიშნო, რომ კლიმატის ცვლილების სფეროში, საქართველოს ორმხრივი მთავრობათაშორისი შეთანხმება აქვს გაფორმებული შვეიცარიასთან, რაც კონკრეტული ფინანსური რესურსების მობილიზების საშუალებას მოგვცემს. იგი დაეხმარება საქართველოს კლიმატის ცვლილების კუთხით მისაღები, კლიმატგონივრული პროექტების განხორციელებაში და ქვეყანაში მწვანე პრინციპებს წაახალისებს. ჩვენ აქტიურად ვთანამშრომლობთ საერთაშორისო პარტნიორებთან ბევრი მსგავსი მექანიზმის შექმნისთვის, რაც ქვეყანას საშუალებას მისცემს როგორც საჯარო, ისე კერძო ინფრასტრუქტურა განავითაროს მაღალი გარემოსდაცვითი სტანდარტებითა და კლიმატგონივრული ტექნოლოგიების გამოყენებით”, - აღნიშნა ნინო თანდილაშვილმა.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



