ქართული ოცნების დეპუტატის, დიმიტრი ხუნდაძის მტკიცებით, მიხეილ სააკაშვილის მდგომარეობა კატასტროფული არაა, თუმცა საყურადღებოა.- ამის შესახებ ხუნდაძემ გლდანის ციხეში ვიზიტის შემდეგ ჟურნალისტებთან განაცხადა. 

"ჩვენი შესვლა, შესაძლოა, მისთვის ზედმეტი დაძაბულობის მიზეზი გამხდარიყო. ჩვენ ხომ პაციენტის ინტერესების გამო შევედით? ამიტომ, მოვერიდეთ ამ დაძაბულობას. საერთო სურათის წარმოსადგენად ჩვენთვის საკმარისი იყო ლაბორატორიული მონაცემების გაცნობა, ექიმებთან გასაუბრება, მათ შორის, მის პირად ექიმთანაც და საერთო სურათის ძალიან კარგად წარმოდგენა. 

მისი მდგომარეობა არ არის კატასტროფული, მისი მდგომარეობა არის საყურადღებო. ეს საყურადღებობა, შესაძლოა, თუ შიმშილობას არ შეწყვეტს, კიდევ უფრო მაღალ ხარისხში ავიდეს. ყველა ქმედება, ჩვენი რეკომენდაცია და დამოკიდებულება იქნება მხოლოდ და მხოლოდ მისი ჯანმრთელობის საჭიროებიდან გამომდინარე - დაწყებული ადგილზე მომსახურებიდან, დამთავრებული, საჭიროების შემთხვევაში, მისი გადაყვანით." - განაცხადა ხუნდაძემ.

საქართველოს მესამე პრეზიდენტმა მიხეილ სააკაშვილმა N18 სამკურნალო დაწესებულებაში გონება დაკარგა.   სააკაშვილმა თქვა, რომ გონება ცხოვრებაში პირველად დაკარგა. დეკანოიძე რეანიმატოლოგზე დაყრდნობით ამბობს, რომ გონების დაკარგვა საკმაოდ დიდხანს გაგრძელდა.
 ციხის საავადმყოფოში რესპუბლიკური საავადმყოფოს კრიტიკული მედიცინის დეპარტამენტს ხელმძღვანელი, გულიკო ქილიფთარი იმყოფებოდა. ის ამბობს, რომ დაწესებულებაში საკონსულტაციოდ მიიწვიეს და მისი მისვლა დაემთხვა ექსპრეზიდენტის გონების დაკარგვას.

ავტორი: ექსპრესნიუსი,

სოციალური ქსელები

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია

ირანი ჰორმუზის სრუტეში გადაადგილების შეზღუდვას გააგრძელებს, თუ ქვეყნის უფლებები დაცული არ იქნება

Eurasianet: აზერბაიჯანი და თურქეთი სკოლებში ჰიჯაბის აკრძალვის გამო ერთმანეთს დაუპირისპირდნენ

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა