2021-11-17 10:45:28, 365 ნახვა

---

ლევან დავითაშვილი ფრანგული მრავალეროვნული კომპანიის (Egis) აღმასრულებელ დირექტორს და საფრანგეთ-საქართველოს საერთაშორისო მოძრაობის ბიზნეს საბჭოს თავმჯდომარეს შეხვდა

გარემოს დაცვისა და სოფლის მეურნეობის მინისტრი, ლევან დავითაშვილი ფრანგული მრავალეროვნული კომპანიის (Egis) აღმასრულებელ დირექტორს და საფრანგეთ-საქართველოს საერთაშორისო მოძრაობის ბიზნეს საბჭოს თავმჯდომარეს, ლორან ჟერმენს შეხვდა.

მხარეებმა, ფრანგული კომპანიების  მხარდაჭერით, ქვეყანაში აგრარულ მიმართულებაში ციფრული ტექნოლოგიების დანერგვასა და გარემოსდაცვით საკითხებში ფრანგული მხარის გამოცდილების გაზიარების მნიშვნელობაზე ისაუბრეს.

„საქართველოს და საფრანგეთს ძალიან ბევრი აქვთ საერთო სოფლის მეურნეობის მიმართულებით, მათ შორისაა ტრადიციები მეღვინეობის კუთხით. ვფიქრობ, ის წარმატებული თანამშრომლობა, რომელიც წლებია გვაქვს საფრანგეთის სახელმწიფოსთან, უფრო მეტად განვითარდება ფრანგი ინვესტორების აქტიური ჩართულობით და კერძო სექტორის მეტი დაინტერესების შემთხვევაში“, - აღნიშნა ლევან დავითაშვილმა.

როგორც შეხვედრაზე ლორან ჟერმენმა აღნიშნა, ფრანგული მხარის მიზანია, საქართველოს მხარდაჭერა გაუწიოს ევროკავშირის ასოცირების შეთანხმებით ნაკისრი ვალდებულებების შესრულებაში და ხელი შეუწყოს ორი ქვეყნის ბიზნესსექტორს შორის პარტნიორული ურთიერთობის გაღრმავებას.

შეხვედრას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, სამინისტროს სისტემაში შემავალი შესაბამისი უწყებების წარმომადგენლები  და ფრანგული დელეგაციის წევრები ესწრებოდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი