სახელმწიფო საზღვრის უკანონო კვეთის საქმეზე მიხეილ სააკაშვილი მომდევნო პროცესი 9 დეკემბერს გაიმართება

2021-11-16 14:39:28, 866 ნახვა

პოლიტიკა

სახელმწიფო საზღვრის უკანონო კვეთის საქმეზე საქართველოს მესამე პრეზიდენტის, მიხეილ სააკაშვილის სასამართლო პროცესი დასრულდა.

თბილისის საქალაქო სასამართლოს მოსამართლის გადაწყვეტილებით, მომდევნო სასამართლო სხდომა 9 დეკემბერს, 12:00 საათზე ჩაინიშნა.

პენიტენციურმა სამსახურმა მიხეილ სააკაშვილს სხდომაზე დასწრების საშუალება დღესაც არ მისცა. აღნიშნულის მიზეზად, უწყება ბრალდებულის ეტაპირებისთვის ხელის შეშლას ასახელებს. მოსამართლემ მიხეილ სააკაშვილის სხდომაზე დისტანციურად დასწრების შუამდგომლობა დააყენა, რაზეც ექს–პრეზიდენტმა უარი განაცხადა.

შინაგან საქმეთა სამინისტრომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს აქვს წაყენებული და ის ცალკე წარმოებად მიმდინარეობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,