|
2021-11-11 17:03:28, 957 ნახვა
ეკონომიკა
საქართველოს ეკონომიკისა და მდგრადი განვითარების სამინისტროსა და გაეროს განვითარების პროგრამას შორის ურთიერთგაგების მემორანდუმი გაფორმდა
ეკონომიკისა და მდგრადი განვითარების მინისტრმა ნათია თურნავამ, გაეროს განვითარების პროგრამის (UNDP) მუდმივმა წარმომადგენელმა ნიკ ბერესფორდმა და დიდი ბრიტანეთის მისიის ხელმძღვანელის მოადგილემ კლერ ოლბრესმა ხელი მოაწერეს ურთიერთგაგების მემორანდუმს. ხელმოწერა საქართველოს ეკონომიკისა და მდგრადი განვითარების სამინისტროში გაიმართა. მემორანდუმი ითვალისწინებს გაეროს განვითარების პროგრამის მხარდაჭერას სამინისტროს სტრუქტურული მდგრადობის უზრუნველყოფის, საჯარო მოხელეთა ტრენინგებისა და პროფესიული გადამზადების, აგრეთვე სექტორული განვითარების დოკუმენტების მომზადების მიმართულებით. მემორანდუმის ფარგლებში, გაგრძელდება და გაფართოვდება საქართველოს მხარდაჭერა ეფექტიანი, შედეგზე ორიენტირებული და მტკიცებულებებზე დაფუძნებული პოლიტიკის კეთების მხრივ. დოკუმენტის თანახმად, დიდი ბრიტანეთის მთავრობა და UNDP ხელს შეუწყობენ სამინისტროს საჭიროებების შეფასებას პოლიტიკის დაგეგმვის, მონიტორინგისა და შეფასების საკითხებში, ისევე როგორც შესაბამისი ტრენინგების ჩატარებას, რომლებიც დაეფუძნება საქართველოს მთავრობის მიერ 2019 წელს დამტკიცებულ პოლიტიკის დაგეგმვისა და კოორდინაციის განახლებულ ჩარჩოს, რომელიც UNDP-სა და დიდი ბრიტანეთის მთავრობის ხელშეწყობით შემუშავდა. დღემდე, მსგავსი ტრენინგი გაირა 300-მდე საჯარო მოსამსახურემ ყველა სამინისტროს მასშტაბით. ხელმოწერის შემდეგ, ნათია თურნავამ მოწვეულ სტუმრებს გააცნო საქართველოს ეკონომიკური ტენდენციები, მთავრობის მიერ გატარებული და დაგეგმილი ღონისძიებები, რომლებიც მიმართულია პანდემიით გამოწვეული სირთულეების წინააღმდეგ. მინისტრმა განსაკუთრებული მადლობა გადაუხადა გაეროს განვითარების პროგრამას, ასევე დონორ სახელმწიფოებს პანდემიის პრევენციის მიზნით გაწეული დახმარებისთვის.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



