2021-11-09 18:07:43, 770 ნახვა
პოლიტიკა
კარლ ჰარცელი – მიხეილ სააკაშვილის უფლებების დაცვა საქართველოს ხელისუფლების სრული პასუხისმგებლობაა
მიხეილ სააკაშვილის უფლებების დაცვა და სამართლიანი სასამართლო პროცესები საკვანძო საკითხებია, რაც ხელისუფლების პასუხისმგებლობას წარმოადგენს, – ამის შესახებ საქართველოში ევროკავშირის ელჩმა, კარლ ჰარცელმა დღეს გამართულ ვებინარზე განაცხადა.
მისივე თქმით, საქართველოს ხელისუფლებამ უნდა მიმართოს ყველა ძალისხმევას, რომ სრულად უზრუნველყოს მიხეილ სააკაშვილის უფლებები.
"ვაკვირდებით მესამე პრეზიდენტი გარშემო არსებულ პროცესებს. მისი უფლებების დაცვა და სამართლიანი სასამართლო პროცესები საკვანძო საკითხებია და საქართველოს ხელისუფლების სრულ პასუხისმგებლობას წარმოადგენს, ეს უფლებები მოიცავს სამართლიან და სათანადო სასამართლო პროცესებს და ადეკვატური ჯანდაცვის მიღებას ისევე, როგორც პირადი ცხოვრებისა და ღირსების დაცულობას ციხეში ყოფნის დროს. საქართველოს მთავრობა ყველა ძალისხმევას უნდა მიმართოს, რომ სრულად უზრუნველყოს ეს უფლებები", - განაცხადა ჰარცელმა.
ავტორი: ექსპრესნიუსი,
epn.ge (@expressnews.ge)
