2021-11-09 12:50:15, 682 ნახვა
პოლიტიკა
ნიკა მელია ხელისუფლებას – დაგღლით, დაგქანცავთ და გაღიარებინებთ, რომ თქვენ ხართ კრიმინალები
დაგღლით, დაგქანცავთ და გაღიარებინებთ, რომ მოიპარეთ არჩევნები, რომ თქვენ ხართ კრიმინალები, – ასე მიმართავს "ნაციონალური მოძრაობის" თავმჯდომარე, ნიკა მელია ხელისუფლების წარმომადგენლებს.
ნიკა მელიამ დღეს, რუსთაველის გამზირზე, 19:00 საათზე საპროტესტო აქცია დააანონსა და აღნიშნა, რომ პროტესტი იქნება უწყვეტი.
"დღეს, 19:00 საათზე, რუსთაველის გამზირზე, პარლამენტის წინ ვიკრიბებით. ხშირად, ყოველ დღე, ხვალაც, ზეგაც, მაზეგაც, სხვადასხვა სახის საპროტესტო საპროტესტო აქტივობები გაიმართება. დაგღლით, დაგქანცავთ და გაღიარებინებთ, რომ თქვენ მოიპარეთ არჩევნები, გაღიარებინებთ, რომ თქვენ ხართ კრიმინალები. მათ შორის, ადგილობრივი საზოგადოების მხარდაჭერით, ჩვენ ამას მივაღწევთ და ჩვენი საერთაშორისო პარტნიორების მხარდაჭერითაც", – განაცხადა მელიამ.
ავტორი: ექსპრესნიუსი,
epn.ge (@expressnews.ge)
