|
2021-11-05 13:03:01, 921 ნახვა
ეკონომიკა
FAO: სურსათის ფასები რეკორდულ ნიშნულზეა
გაეროს სურსათის და სოფლის მეურნეობის ორგანიზაციის (FAO) ფასების ინდექსი, რომელიც სამომხმარებლო კალათის ხუთი ძირითადი პროდუქტის (რძე, მარცვლეული, მცენარეული ზეთი, შაქარი და ხორცი) საერთაშორისო ფასების ცვალებადობას ასახავს - ოქტომბერში 3,9%-ით გაიზარდა და 133,2 ქულა შეადგინა. ფასების მაჩვენებელი რეკორდულ ნიშნულზეა და 2011 წლის ივლისის ფასებს გადააჭარბა. ოქტომბრის თვეში, FAO-ს მარცვლეულის ფასების ინდექსმა, საერთო ჯამში, 3,2%-ით მოიმატა. ხორბლის ფასი საერთაშორისო ბაზრებზე 5%-ით გაიზარდა, ამავდროულად, მოსავლის კლების გამო, მცირდება პროდუქტის შემოთავაზება მსხვილი ექსპორტიორი ქვეყნებიდან, როგორიცაა კანადა, რუსეთის ფედერაცია და აშშ. სხვა მარცვლეული კულტურების ფასიც, წინა თვესთან შედარებით მომატებულია. მცენარეული ზეთის ფასები, წინა თვესთან შედარებით, 9,6%-ით გაიზარდა და ისტორიულად რეკორდულ ნიშნულს მიაღწია. ფასის ზრდა პალმის, სოიოს, მზუსუმზირის და რაფსის ზეთის გაძვირების ხარჯზე მოხდა. პალმის ზეთის ფასი უკვე მეოთხე თვეა იზრდება. მალაიზიაში ზეთის წარმოების კლებაზე გავლენას ახდენს მიგრანტთა სამუშაო ძალის ნაკლებობა. 2,6%-ით მოიმატა რძის პროდუქტების ფასის ინდექსმა, რაც განპირობებულია კარაქზე, რძის ფხვნილსა და საღ რძეზე მდგრადი მოთხოვნით. რძისგან განსხვავებით, ყველის ფასი, საერთო ჯამში, იმავე ნიშნულზე დარჩა, რადგან მიწოდებამ საერთაშორისო ბაზრების მოთხოვნა დააკმაყოფილა. სექტემბრის თვესთან შედარებით, ხორცის ფასის ინდექსი შემცირდა და 0,7% შეადგინა. ჩინეთის მხრიდან ღორის ხორცის შესყიდვამ და ბრაზილიის საქონლის ხორცის გაიაფებამ ამ მაჩვენებლის კლება განაპირობა. ფრინველის და ცხვრის ხორცის ფასმა მოიმატა, დიდი საერთაშორისო მოთხოვნის და წარმოების შემცირებული მოლოდინების გამო. 1,8%-ით შემცირებულია FAO-ს შაქრის ფასების ინდექსი, ეს ამ ინდექსის პირველი შემცირებაა ექვსთვიანი მდგრადი ზრდის ფონზე. ტენდენციის შეცვლა განაპირობა საერთაშორისო მოთხოვნის შემცირებამ, ინდოეთისა და ტაილანდის წარმოების უკეთესმა პერსპექტივამ და აშშ დოლართან მიმართებაში ბრაზილიური რეალის კურსის გაუფასურებამ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



