01:47 - 18 Nov, 2026
ჩვენ შესახებ რეკლამა/ხელმოწერა
2021-10-28 12:42:09, 938 ნახვა

ეკონომიკა
ნათია თურნავამ იაპონიის საერთაშორისო თანამშრომლობის ბანკის მმართველთან ონლაინ შეხვედრა გამართა

ეკონომიკისა და მდგრადი განვითარების მინისტრმა ნათია თურნავამ იაპონიის საერთაშორისო თანამშრომლობის ბანკის მმართველთან ტადაში მაედასთან დისტანციურ ფორმატში შეხვედრა გამართა.

შეხვედრაში ასევე მონაწილეობდა სააგენტოს „აწარმოე საქართველოში" დირექტორი მიხეილ ხიდურელი.   

შეხვედრაზე განიხილეს საქართველოსა და იაპონიას შორის ეკონომიკური თანამშრომლობის პრიორიტეტული მიმართულებები. აღინიშნა, რომ 2021 წლის ზაფხულიდან ქვეყნებს შორის მოქმედებს ინვესტიციების ურთიერთდაცვის შეთანხმება, რომელიც ქმნის მძლავრ ჩარჩოს არა მხოლოდ იაპონიასა და საქართველოში არსებული საინვესტიციო აქტივების დასაცავად, არამედ ბიზნესის უცხო ქვეყანაში ინვესტირების წახალისების კუთხითაც.

ნათია თურნავამ იაპონიის საერთაშორისო თანამშრომლობის ბანკის მმართველს მიაწოდა ინფორმაცია საქართველოში მიმდინარე ეკონომიკური ვითარების შესახებ. მისი თქმით, 2021 წელს საქართველოში მაღალი ეკონომიკური ზრდა დაფიქსირდა, რაც მთავრობის სწორი და დაბალანსებული ეკონომიკური პოლიტიკის შედეგია. მინისტრის განცხადებით, ეკონომიკური ზრდის პოზიტიური დინამიკა მომდევნო წლებშიც გაგრძელდება და ამ მაჩვენებლით ქვეყანა როგორც რეგიონის, ასევე ევროპის ქვეყნებს შორის ლიდერი იქნება. ნათია თურნავას თქმით, ეს კარგი დროა, რათა საქართველომ მოიზიდოს უცხოური ინვესტიციები, განავითაროს როგორც არსებული, ასევე ახალი დარგები. „ჩვენ ღია ვართ თანამშრომლობისთვის იაპონიის საქმიან წრეებთან. 1996 – 2021 წლებში იაპონიიდან საქართველოში 200 მლნ აშშ დოლარზე მეტი განხორციელდა, მაგრამ ინვესტიციების ურთიერთდაცვის შეთანხმების ამოქმედება, ვფიქრობ, ამ მაჩვენებელს უახლოეს პერიოდში მნიშვნელოვნად გაზრდის," - განაცხადა ნათია თურნავამ.

შეხვედრაზე მხარეებმა განიხილეს პოტენციური საინვესტიციო პროექტები ისეთ სექტორებში, როგორიცაა ენერგეტიკა, ტრანსპორტი და ლოგისტიკა, მრეწველობა, სოფლის მეურნეობა და სხვ.   





ავტორი: NS (სტატია დაფინანსებულია),


სოციალური ქსელები
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics