2021-10-03 16:08:43, 654 ნახვა
პოლიტიკა
ISFED-ის ხმების პარალელური დათვლით, ქვეყნის მასშტაბით, „ქართულმა ოცნებამ“ 46.6% აიღო, „ენმ“-მ 31.1%
„სამართლიანი არჩევნებისა და დემოკრატიის საერთაშორისო საზოგადოებამ“ (ISFED) ადგილობრივი თვითმმართველობის არჩევნებზე ხმების პარალელური დათვლის (PVT) შედეგები გამოქვეყნა.
ორგანიზაციის მიერ გამოქვეყნებული ხმების პარალელური დათვლის მიხედვით, მთელი ქვეყნის მასშტაბით, პროპორციულ ნაწილში „ქართულმა ოცნებამ“ ხმების 46.6% მიიღო, „ნაციონალურმა მოძრაობამ“ 31.1%, ხოლო გიორგი გახარიას პარტიამ „საქართველოსთვის“ 7.7%.
რაც შეეხება მონაცემებს თბილისის მასშტაბით, პარალელური დათვლის შედეგებს, „ქართული ოცნება“ 39.7%-ით ლიდერობს, „ერთიანი ნაციონალური მოძრაობა“ 28.3%, ხოლო გიორგი გახარიას პარტიამ „საქართველოსთვის“ 8.8% აიღო.
ავტორი: ექსპრესნიუსი,
epn.ge (@expressnews.ge)
