ყოფილი პრემიერ-მინისტრის გიორგი გახარიას პარტიამ "საქართველოსთვის" პროკურატურას განცხადებით მიმართა. 

საუბარია "ქართული ოცნების" თავმჯდომარის მიერ, გიორგი გახარიასთვის წაყენებულ ნარკოდამოკიდებულებასთან დაკავშირებულ ბრალდებაზე.
საგამოძიებო უწყებაში განცხადება პარტია „საქართველოსთვის“ წევრებმა ანა ბუჩუკურმა და მიხეილ დაუშვილმა შეიტანეს.

ბუჩუკურის განცხადებით, დანაშაულის დაუდასტურებლობის შემთხვევაში, ცრუ დასმენაზე მისი პასუხისმგებლობის საკითხი უნდა დადგეს.

"ბოლო პერიოდში,  ჩვენ ვისმენთ განსაკუთრებით ირაკლი კობახიძის მხრიდან ბრალდებებს, ჩვენი გუნდის ლიდერისა და ჩვენი გუნდის მისამართით ნარკოტიკებთან დაკავშირებით, შესაბამისად, რა თქმა უნდა, როგორც პასუხისმგებლიანმა პარტიამ შევიტანეთ განცხადება პროკურატურაში და ვითხოვთ სწრაფ, ეფექტიან და გამჭირვალე გამოძიების ჩატარებას.

პირველ რიგში, რა თქმა უნდა, უნდა დაიკითხოს ირაკლი კობახიძე და დანაშაულის დაუდასტურებლობის შემთხვევაში ცრუ დასმენაზე მისი პასუხისმგებლობის საკითხი დადგეს ", - აცხადებს ბუჩუკური.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით