|
2021-09-23 12:11:17, 778 ნახვა
ეკონომიკა
ლევან კარანაძე Lufthansa Group-ის ახალ რეგიონალურ მენეჯერს შეხვდა
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ Lufthansa Group-ის ახალ რეგიონალურ მენეჯერს, კარსტენ იანგს და საქართველოში ამავე ჯგუფის წარმომადგენლებს უმასპინძლა. გაცნობითი შეხვედრის ფარგლებში, მხარეებმა საქართველოს საავიაციო ბაზარზე წარმოდგენილი ავიაკომპანიების - Lufthansa-ს და Eurowings-ის ოპერირების არსებული მზარდი დინამიკა და თანამშრომლობის სამომავლო პერსპექტივები განიხილეს. ლევან კარანაძემ კარსტენ იანგს წარმატებები უსურვა ახალ პოზიციაზე და ხაზი გაუსვა ნაყოფიერ თანამშრომლობას საქართველოს სამოქალაქო ავიაციის სააგენტოსა და Lufthansa Group-ს შორის. მხარეებმა დადებითად შეაფასეს ჯგუფში შემავალი ავიაგადამზიდველების აქტივობა საქართველოს საავიაციო ბაზარზე, განსაკუთრებით კი, Lufthansa Group-ში შემავალი დაბალბიუჯეტიანი ავიაკომპანია Eurowings-ის მიერ, საჰაერო მიმოსვლის დაწყება საქართველოს მიმართულებით. როგორც კარსტენ იანგმა შეხვედრაზე აღნიშნა, საქართველო იყო ერთ-ერთი მცირე გამონაკლისი იმ ქვეყნებისა, სადაც გერმანულმა ჯგუფმა არათუ შეამცირა ოპერირების სიხშირე COVID 19-ის პირობებში, არამედ ახალი ავიაკომპანიის შემოსვლით კიდევ უფრო გაზარდა ფრენების რაოდენობა და გააფართოვა გეოგრაფიული არეალი. აქვე, პოზიტიურად შეფასდა ის ფაქტი, რომ წარმატებული მოლაპარაკებების შედეგად, ავიაკომპანია Lufthansa იყო ერთ-ერთი პირველი ავიაგადამზიდველი, რომელიც დაუბრუნდა საქართველოს ავიაბაზარს კოვიდ პანდემიის გამო შეწყვეტილი რეგულარული საჰაერო მიმოსვლის ეტაპობრივად აღდგენის ფარგლებში. მხარეებმა ასევე განიხილეს Lufthansa Group-ის გეგმები მიმდინარე წლის ზამთრის სანავიგაციო სეზონისთვის. როგორც სააგენტოს წარმომადგენლებთან შეხვედრისას გახდა ცნობილი, ავიაკომპანია Eurowings-ი დიუსელდორფი – თბილისი – დიუსელდორფის საჰაერო ხაზზე ოპერირებას ზამთრის სანავიგაციო სეზონზეც გააგრძელებს. ამასთან, განიხილება ავიაკომპანია Lufthansa-ს მიერ, საქართველოს მიმართულებით ფრენის სიხშირის გაზრდის შესაძლებლობაც. შეხვედრაზე გამოითქვა მზადყოფნა, გაგრძელდეს ტექნიკური კონსულტაციები საქართველოში Lufthansa Group-ის ოპერირების შემდგომი გაფართოების მიზნით.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



