2021-09-16 20:51:22, 516 ნახვა

---

მამუკა წოწერია- მოსახლეობის განწყობებიდან გამომდინარე ჩვენ გვაქვს იმის თქმის საშუალება, რომ 2 ოქტომბერს, გაიმარჯვებს „ქართული ოცნება“

„ქართული ოცნების" ზუგდიდის მერობის კანდიდატი მამუკა წოწერია ჭითაწყარში ადგილობრივ მოქალაქეებს შეხვდა და მუნიციპალიტეტის განვითარების გეგმები წარუდგინა.- ამის ინფორმაციას  შესახებ "ქართული ოცნების" პრესსამსახური ავრცელებს.

მათივე ცნობით, მამუკა წოწერიამ შეხვედრაზე იმ განსხვავებას გაუსვა ხაზი, რაც ქართულ ოცნებას და მის ოპონენტ პარტიებს აქვთ. მისი განცხადებით, მმართველ პარტია კონკრეტული განვითარების გეგმით მიდის ამომრჩეველთან, ოპონენტ პარტიებს კი პირიქით რევანშისტული გზა აქვთ არჩეული, რასაც მოსახლეობა კარგად ხედავს და ეს მათ განწყობებში აისახება.

„ჭითაწყარის ადმინისტრაციულ ერთეულში, შეხვედრა გვქონდა ჩვენს მოსახლეობასთან. აღსანიშნავია, რომ იგრძნობა საოცარი პოზიტივი „ქართული ოცნებისა" და მისი კანდიდატების მიმართ. ასევე, მოსახლეობა კარგად ამჩნევს იმ განსხვავებას საარჩევნო კამპანიებს შორის, რომელსაც აწარმოებს „ქართული ოცნება" და სხვა კონკურენტი პარტიები. ამიტომ ჩვენ გვაქვს იმის თქმის საშუალება, რომ 2 ოქტომბერს, ჩვენი მოსახლეობის უმრავლესობის მხარდაჭერით გაიმარჯვებს „ქართული ოცნება", გაიმარჯვებენ მისი კანდიდატები და ჩვენ კიდევ ერთხელ მოვუწოდებთ მოსახლეობას აქტიურობისკენ რათა ჩვენ ხმა მივცეთ, შემდეგი ოთხი წლის განმავლობაში ჩვენი მუნიციპალიტეტის კიდევ უფრო მეტ განვითარებას." - განაცხადა მამუკა წოწერიამ მოსახლეობასთან გამართული შეხვედრის დასრულების შემდეგ.

"მოსახლეობასთან გამართულ შეხვედრას საკრებულოს მაჟორიტარი დეპუტატობის კანდიდატი  ირაკლი ჯანაშია ესწრებოდა. ჭითაწყარში რეაბილიტირდა შიდა საუბნო გზები, მოეწყო სპორტული მოედნები, მრავალბინიან საცხოვრებელ სახლებს ჩაუტარდა რეაბილიტაცია, მოეწყო გარე განათება. სოფელი გაზიფიცირებულია,  ჭითაწყარში აშენდება ახალი საბავშვო ბაღი. დაგეგმილია ნარმანიას ქუჩაზე გარე განათების მოწყობა და მეფრინველეობის დასახლებაში დასასვენებელი სკვერის მოწყობა."- ნათქვამია განცხადებაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი