პრემიერ-მინისტრი ირაკლი ღარიბაშვილი აცხადებს, რომ სუს-ის მიერ გავრცელებულ ფარულ ჩანაწერებთან დაკავშირებით დაწყებულია გამოძიება, რომელიც ყველა ვერსიას დაამუშავებს.

მისივე თქმით, განიხილება ვერსია, ხო არ იყო ჩართული ყოფილი პრემიერ-მინისტრი გიორგი გახარია, ან სუს-ის უფროსის ყოფილი მოადგილე, ალექსანდრე ხოჯევანიშვილი.

 „პროკურატურამ გუშინ განაცხადა, რომ დაწყებულია გამოძიება და ყველა ვერსიას დაამუშავებენ, მათ შორის, იმ ვერიას, ხომ არ შეიძლება, თეორიულად, ხომ არის გამორიცხული ან შესაძლებელი რომ ჩართული იყოს გახარია ან ხოჯევანიშვილი, რომელიც სხვათაშორის, კურირებდა ძალიან მნიშვნელოვან დანაყოფებს. არ მსურს წინასწარი დასკვნები გავაკეთო, უნდა დაველოდოთ გამოძიებას, რომელიც დაადგენს, ეს არის ფალსიფიკაცია, თუ კიდევ სხვა მძიმე დანაშაულთან გვაქვს საქმე“, - განაცხადა პრემიერმა.

გარდა ამისა, პრემიერ-მინისტრი აცხადებს, რომ ფაილები დესტრუქციულმა ოპოზიციამ გაავრცელა და გამოიკვეთნენ „სხვა მოღალატეებიც“.

„რა თქმა უნდა, ეს არის პირდაპირ შეთქმულება სახელმწიფოს და ეკლესიის წინააღმდეგ, რა თქმა უნდა, ჩვენი დესტრუქციული ოპოზიციის, სააკაშვილის მიერ და სამწუხაროდ, იკვეთება სხვა მოღალატეებიც“, - დასძინა ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა