|
2021-09-08 16:52:23, 747 ნახვა
ეკონომიკა
მარიამ ქვრივიშვილმა პორტუგალიის ავიახაზების პრეზიდენტთან პირდაპირი რეისების დაწყება განიხილ
პორტუგალიაში სამუშაო ვიზიტის ფარგლებში, ეკონომიკისა და მდგრადი განვითარების მინისტრის მოადგილე მარიამ ქვრივიშვილი პორტუგალიის ეროვნული ავიაგადამზიდავის „TAP AIR PORTUGAL" - ის პრეზიდენტს მანუელ ბეჟას შეხვდა. შეხვედრას ასევე დაესწრო საქართველოს ელჩი პორტუგალიაში გიორგი მირცხულავა. შეხვედრაზე საუბარი წარიმართა საქართველოსა და პორტუგალიას შორის სამოქალაქო ავიაციის სექტორში ურთიერთობის შესახებ. აღინიშნა, რომ ორმხრივი ეკონომიკური თანამშრომლობის გაღრმავებისთვის, გასაკუთრებით, ტურიზმის სფეროში, უაღრესად მნიშვნელოვანია ქვეყნებს შორის პირდაპირი ავიამიმოსვლის დაწყება. მარიამ ქვრივიშვილმა გამოთქვა ინიციატივა თბილისსა და ლისაბონს შორის პირდაპირი რეისის დანიშვნის შესახებ, რომელიც პორტუგალიის ავიაკომპანიის ხელმძღვანელმა დიდი ინტერესით მოისმინა. მინისტრის მოადგილემ პორტუგალიის ავიაკომპანიის ხელმძღვანელს მიაწოდა დეტალური ინფორმაცია საქართველოს ეკონომიკის აღდგენის ტემპების შესახებ, განსაკუთრებული ყურადღება გამახვილდა სამოქალაქო ავიაციისა და ტურიზმის სექტორში არსებულ ვითარებასა და იმ პოზიტიურ ტენდენციებზე, რომლებიც საზეხეა აღნიშნულ დარგებში პანდემიის შედეგად დაწესებული შეზღუდვების ეტაპობრივი მოხსნის შემდეგ. მხარეებმა ისაუბრეს იმ პოზიტიურ შესაძლებლობებზე, რომლებიც შეიძლება პირდაპირმა ავიამიმოსვლამ ორივე მხარეს მოუტანოს. ამავე დროს, ხაზი გაესვა იმ გარემოებას, რომ მნიშვნელოვანია გაიზარდოს საქართველოს ცნობადობა პორტუგალიაში, რაც პოზიტიურად აისახება ორი ქვეყნის თანამშრომლობაზე სხვადასხვა სფეროებში. შეხვედრის დასასრულს, აღინიშნა, რომ გაგრძელდება მუშაობა საქართველოსა და პორტუგალიას შორის საჰაერო მიმოსვლის დაწყების საკითხზე. „ეს იყო პირველი მაღალი რანგის შეხვედრა პორტუგალიის ეროვნული ავიაგადამზიდავის ტოპ-მენეჯმენტთან. შეხვედრამ ჩაიარა საკმაოდ ნაყოფიერად. საქართველოს ავიასექტორის აღდგენის დინამიკა მათთვისაც ცნობილია, რაც პოზიტიურ მოლოდინებს ქმნის სამომავლოდ პირდაპირი რეისების დაწყების მხრივ. ჩვენი ქვეყნის სტრატეგია ავიაციისა და ტურიზმის სექტორებში კვლავაც რჩება მეტი პირდაპირი რეისი ევროპის მიმართულებით, რაც გააძლიერებს აღნიშნულ მიმართულებებს ჩვენს ქვეყანაში," - განაცხადა ეკონომიკისა და მდგრადი განვითარების მინისტრის მოადგილემ შეხვედრის დასრულების შემდეგ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



