ლეტალობის მაჩვენებელი განსაკუთრებით მაღალი გვაქვს 70-80 წლის ზემოთ მოქალაქეებში, - ამის შესახებ ჯანდაცვის მინისტრმა, ეკატერინე ტიკარაძემ დღეს განაცხადა.

ამასთან, მინისტრის თქმით, მაღალ რისკჯგუფებში ვაქცინაციის დაბალი მაჩვენებელია.

"ჩვენ გავაკეთეთ არა ერთი ანალიზი იმასთან მიმართებაში, თუ როგორია ავადობა მოსახლეობაში ასაკობრივ ჭრილში და ასევე როგორი ვაქცინაცია ასაკობრივ ჭრილში. აქ ცალსახად გამოიკვეთა საკმაოდ ცუდი მაჩვენებლები და ეს გახლავთ შემდეგი, რომ ლეტალობის მაჩვენებელი განსაკუთრებით მაღალი გვაქვს 70-80 წელს ზევით მოქალაქეებში. ასევე, ავადობის და ჰოსპიტალიზაციის მაჩვენებელი მაღალი გვაქვს 60 წელს ზევით მოქალაქეებში და როდესაც ეს მონაცემები შევადარეთ ვაქცინაციის პროპორციას და ვაქცინირებულ მოქალაქეებში ავადობის მაჩვენებელს და ჰოსპიტალიზაციის მაჩვენებელს, გამოიკვეთა რომ ძალიან დაბალია ჩვენი მოქალაქეების აქტივობა 60 წელს ზევით და მნიშვნელოვანია, რომ საბჭომ იმსჯელოს ყველა იმ მნიშვნელოვან აქტივობაზე და იმ მნიშვნელოვან წამახალისებელ ღონისძიებებზე, რომელიც გაააქტიურებს ჩვენი მოქალაქეების იმ ჯგუფს, სადაც გვაქვს ყველაზე მაღალი რისკები," - აცხადებს ჯანდაცვის მინისტრი. 
 

ავტორი: ექსპრესნიუსი,

სოციალური ქსელები

აიათოლა ალი ხამენეის დაკრძალვის ცერემონიას დიმიტრი მედვედევი დაესწრება

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის