თბილისის მერიის გარემოს დაცვის საქალაქო სამსახურმა ვაკის რაიონში კიდევ ერთი რეკრეაციული სივრცის - მარშალ გელოვანის სახელობის პარკის რეაბილიტაცია დაასრულა, - ამის შესახებ თბილისის მერმა, კახა კალაძემ დედაქალაქის მთავრობის სხდომაზე განაცხადა.

მისივე თქმით, საპარკე კულტურის განვითარების მიმართულებით თბილისის მუნიციპალიტეტი აქტიურად მუშაობს.

„აღნიშნული სკვერი მძიმე მდგომარეობაში იყო და რეაბილიტაციის შემდეგ კი სრულად მოწესრიგდა. 6 000 კვადრატულ მეტრ ფართობზე ჩატარდა რეაბილიტაციის სამუშაოები. პარკში საბავშვო მოედანი და საფეხმავლო ბილიკი განახლდა. შეიცვალა პანდუსები და განთავსდა საბაღე ინფრასტრუქტურა. ამასთან, დამონტაჟდა სასმელი წყლის შადრევანი, სარწყავი და განათების სისტემები. სამუშაოების ფარგლებში, რეაბილიტირდა არსებული შადრევანი და მის მიმდებარედ, დამატებით, გამწვანებული თარგებიც მოეწყო. შესაბამისად, მწვანე არეალის მოცულობაც გაიზრდა. რამდენიმე დღეში აღნიშნულ სკვერში  მისვლისა და ადგილზე დათვალიერების შესაძლებლობა გვექნება“, - განაცხადა კახა კალაძემ.

მარშალ გელოვანის სახელობის პარკის სარეაბილიტაციო სამუშაოების ღირებულება 800 000 ლარს შეადგენს.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს