|
2021-09-03 17:17:01, 621 ნახვა
ეკონომიკა
ნათია თურნავა - "საქნახშირში", ჩვენი ხელშეწყობით, გაუმჯობესდა შრომის პირობები, მეშახტის საშუალო ხელფასი 50 პროცენტით და მეტით გაიზარდა
„ბოლო 1,5 წლის განმავლობაში, „საქნახშირში" ახალი მენეჯმენტის მოსვლის შემდეგ, ჩვენი ხელშეწყობით, გაუმჯობესდა შრომის პირობები. უბედური შემთხვევების რისკი არის მინიმუმამდე დაყვანილი იმიტომ, რომ ძალიან დიდი ყურადღება ექცევა უსაფრთხოებას. მეშახტის საშუალო ხელფასი 50 პროცენტით და მეტით გაიზარდა. დღეს „საქნახშირი", სადაც დასაქმებულია 1300-მდე ადამიანი, საკმაოდ დიდი დამსაქმებელი საწარმოა. ის ერთადერთია საქართველოში, რომელიც ქვანახშირს მოიპოვებს," - განაცხადა ეკონომიკისა და მდგრადი განვითარების მინისტრმა ნათია თურნავამ, რომელმაც ტყიბულში საქართველოს პრემიერ-მინისტრისა და კომპანია „საქნახშირის" თანამშრომლებთან შეხვედრაში მიიღო მონაწილეობა. შეხვედრაზე მეშახტეებმა რამდენიმე მნიშვნელოვან საკითხზე გაამახვილეს ყურადღება. მათ შორის, მეშახტეებისთვის საპენსიო ასაკის დაწევის, კურორტ "ცხრაჯვარის" ტურისტულ-სარეკრეაციო კომპლექსის განაშენიანების, ტყიბულში სამედიცინო ცენტრის აშენებისა და სხვა საკითხების შესახებ. „ჩვენ დღეს დამატებითი დავალებები მივიღეთ, რათა მეშახტეების ყოფა გაუმჯობესდეს. კერძოდ, საუბარია იმაზე, რომ საწარმოს სიახლოვეს მოეწყოს მულტიფუნქციური სამედიცინო ცენტრი. ჩვენ მივიღებთ მონაწილეობას ამ საქმეში და აუცილებლობის შემთხვევაში, ადგილობრივ მუნიციპალიტეტს სამედიცინო ცენტრის ასაშენებლად სახელმწიფო ქონებას გადავცემთ. ასევე მნიშვნელოვანი დავალება მივიღეთ ტყიბულის, როგორც მნიშვნელოვანი ტურისტული ცენტრის, განვითარების თვალსაზრისით. მუნიციპალიტეტში, ზღვის დონიდან 1500 მეტრზე არის უნიკალური კურორტი „ცხრაჯვარი", სადაც უძველესი სალოცავი და მღვიმე მდებარეობს. ჩვენ მივიღეთ ასევე დავალება, რომ კურორტზე მოეწყოს საბაგირო," - განაცხადა მინისტრმა. ნათია თურნავამ ასევე ყურადღება გაამახვილა მეშახტეებთან შეხვედრაზე დასმულ კიდევ ერთ მნიშვნელოვან საკითხზე. მისი თქმით, მეშახტეებმა დაყენეს საპენსიო ასაკის დაწევის საკითხი. „მართლაც მძიმე შრომითი პირობებია. არსებობს ამის პრეცედენტი მთელს მსოფლიოში, როდესაც საქმე შეეხება მაღაროელს და მეშახტეს. პრემიერ-მინისტრმა მოგვცა დავალება ჩვენ და ჯანდაცვის სამინისტროს, რომ განვიხილოთ ეს საკითხი და მივიღოთ დადებითი გადაწყვეტილება," - განაცხადა ეკონომიკისა და მდგრადი განვითარების მინისტრმა.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



