,,ტყიბული უნდა აღორძინდეს და იმაზე ლამაზი გახდეს, რაც იყო. შარშან დავიწყეთ და წელს დავამთავრეთ გამსახურდიას და რუსთაველის ისტორიული ქუჩების  სრული რეაბილიტაცია. დავიწყეთ პრემიერ-მინისტრის ინიციატივით, სახელმწიფო  პროგრამა „განახლებული რეგიონები", რომელშიც ტყიბულს გამორჩეული ადგილი უჭირავს. უკვე მიმდინარეობს მუშაობა და 2023 წელს ქალაქს 24 საათიანი წყალმომარაგება ექნება. მივიღებთ ევროპულ ტყიბულს, რომელიც არა მხოლოდ ლამაზი იქნება, არამედ ახალი შესაძლებლობებით სავსე"- განაცხადა რეგიონული განვითარებისა და ინფრასტრუქტურის მინისტრმა ირაკლი ქარსელაძემ ტყიბულში ,,ქართული ოცნების" მერობის კანდიდატის დავით ჩერქეზიშვილის წარდგენაზე.

მინისტრის თქმით, საჭიროა კერძო სექტორის და ინვესტორების  მეტი აქტიურობა, რათა კიდევ უფრო მეტი სასტუმრო აღდგეს, მიიღოს შესაბამისი დანიშნულება ,,პიონერთა სასახლის" ტერიტორიამ, აღდგეს თეატრი.  

,,პროცესი დაწყებულია, ორპირი - სოჩხეთის მიმართულებით 15 კილომეტრიანი მონაკვეთი სრულად  გაკეთებულია, 6 ხიდზე ამჟამად მიმდინარეობს მუშაობა. ელგუჯა გოცირიძის და  ბეჟან წაქაძის  დიდი დამსახურებაა  ცხრაჯვარზე  მოწყობილი გზა. ეხლა საჭიროა, რომ ცხრაჯვარზე უკვე კონკრეტული კერძო სექტორის ინიციატივები მივიღოთ და რა თქმა უნდა კომპლექსურად საბაგიროც და გზაც.  ეს არის  ის მომავალი, რომელსაც ტყიბული და ოკრიბა ნამდვილად იმსახურებს, ამიტომ უნდა გავაგრძელოთ რაც დაწყებული გვაქვს და კიდევ მეტი გავაკეთოთ, ასევე  გავაკეთოთ სწორი არჩევანი და მივცეთ ტყიბულის მერობის კანდიდატს დათო ჩერქეზიშვილს იმის შესაძლებლობა, რომ თავისი განათლება და გამოცდილება გარდასახოს შედეგებში"- განაცხადა ირაკლი ქარსელაძემ.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს