ჯვარიმინდროზე საპიკნიკე ზონის მოწყობა მიმდინარეობს.- ინფრომაციას აჭარის მთავრობის ტურიზმის და კურორტების დეპარტამენტი ავრცელებს.

მათი თქმით, აჭარის ტურიზმის დეპარტამენტის ტურისტული პროდუქტების განვითარების სააგენტო მცირე საპიკნიკე ინფრასტრუქტურას აჭარაში ყველაზე გრძელ (88 კმ), ქობულეთი-შუახევის დამაკავშირებელ, სალაშქრო-სათავგადასავლო ტურისტულ მარშრუტზე აკეთებს.  ჯვარიმინდორზე მიმდინარე სამუშაოებს სააგენტოს ხელმძღვანელი ლელა გოგუაძე  გაეცნო. სამშენებლო სამუშაოების ძირითადი ნაწილი დასრულებულია. ადგილზე დამონტაჟებულია საქანელები, ფანჩატური და საცეცხლური. საპიკნიკე ზონით სარგებლობა მოგზაურებს სექტემბრის მეორე ნახევრიდან შეეძლებათ.

„ჯვარიმინდორის იალაღებზე, რომელიც ზღვის დონიდან 2000 მეტრზე მდებარეობს, საპიკნიკე ზონასთან ერთად ტურისტული თავშესაფრების მოწყობა იგეგმება. საკემპინგზე ზონა უკვე შერჩეულია, სამშენებლო სამუშაოები კი სექტემბრიდან დაიწყება. პროექტის მიხედვით, ტურისტულ თავშესაფრებში მოსასვენებელი და სამზარეულო სივრცეების, ხის მაგიდების, ხის სკამების, კედელზე მიმაგრებული კარადების, ხის ორსართულიანი საწოლების განთავსება იგეგმება. ღია სივრცეში კი საშხაპეები და საპირფარეშოები გაკეთდება.

ახალ ტურისტულ ბილიკზე, სადაც ტურისტული თავშესაფრები და საპიკნიკე ზონა მოეწყობა, მოგზაურებს საშუალება ექნებათ ულამაზესი კინტრიშის ეროვნული პარკი, XII საუკუნეში აგებული ვარჯანაულისა და ცხემვანას თაღოვანი ხიდები, ხინოწმინდის მონასტერი, ტბიყელის ტბა, ჯვარიმინდორი და ხაბელაშვილების ხის თაღოვანი ხიდი მოინახულონ. ქობულეთი-შუახევის დამაკავშირებელი, 2-3 დღიანი ტურისტული ბილიკის მარკირება ტურისტული პროდუქტების განვითარების სააგენტომ გასულ წელს განახორციელა.“-ნათქვამია განცხადებაში

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს